شن زن کے ذریعے، ایشیا پیسفک کے کاروباری حلقے مشترکہ کامیابی کے مستقبل کی توقع رکھتے ہیں، چینی میڈیا
بیجنگ :تینتیسویں اپیک اکنامک لیڈرز میٹنگ شن زن میں کامیابی سے منعقد ہوئی ۔ شن زن ایک ایسا شہر ہے جو چین کی اصلاحات اور کھلے پن کی ایک اہم جھلک ہے۔ اس اکنامک لیڈرز میٹنگ کے دوران، چینی صدر شی جن پھنگ نے شن زن کی کہانی کا ذکر کئی بار کیا ۔ اجلاس کے اندر اور باہر، بین الاقوامی دوست اس شہر کی جدیدیت اور ٹیکنالوجی سے متاثر ہوئے، اور کہا کہ انہوں نے چینی انداز کی جدیدیت کے بے شمار رنگ دیکھے۔تمام دوستوں کا یہ بھی کہنا تھا کہ وہ چین کے ساتھ مل کر مستقبل میں مشترکہ کامیابی حاصل کرنا چاہتے ہیں۔