چین اور آسٹریلیا کے تعلقات بتدریج آگے بڑھ رہے ہیں، چینی صدر
بیجنگ :چین کے صدر شی جن پھنگ سے شین زین میں آسٹریلیا کے وزیرِاعظم انتھونی البانیز نے ملاقات کی۔ انتھونی البانیز 33ویں اپیک اکنامک لیڈرز میٹنگ میں شرکت کے لیے چین آئے ہوئے ہیں۔صدر شی جن پھنگ نے نشاندہی کی کہ چین اور آسٹریلیا کے تعلقات بتدریج آگے بڑھ رہے ہیں اور دونوں ممالک کے درمیان مختلف شعبوں میں تبادلے اور تعاون مزید گہرا ہو رہا ہے۔ چین اور آسٹریلیا کے درمیان نہ کوئی تاریخی رنجش ہے اور نہ ہی بنیادی مفادات کا تصادم، اس لیے دونوں ممالک کو باہمی اعتماد اور ایک دوسرے کی کامیابی میں معاون شراکت دار ہونا چاہیے۔ دونوں فریقوں کو آئندہ سال چین اور آسٹریلیا کے درمیان سفارتی تعلقات کے قیام کی 55ویں سالگرہ کو ایک موقع کے طور پر استعمال کرتے ہوئے، چین-آسٹریلیا تعلقات کو نئے آغاز پر مزید آگے بڑھانا چاہیے، تاکہ دونوں ممالک کے عوام کو بہتر طور پر فائدہ پہنچایا جا سکے۔