وانگ ای چینی صدر کے خصوصی نمائندے کے طور پر ایشیا میں باہمی رابطے اور اعتماد سازی کے اقدامات سے متعلق کانفرنس میں شرکت کریں گے ، چینی وزارت خارجہ

بیجنگ :چین کی وزارت خارجہ کی ترجمان ماؤ نینگ نے اعلان کیا کہ سی پی سی سینٹرل کمیٹی کے پولیٹکل بیورو کے رکن اور چین کے وزیر خارجہ وانگ ای صدر شی جن پھنگ کے خصوصی نمائندے کے طور پر 15 اکتوبر کو آذربائیجان کے شہر باکو میں ہونے والی ایشیا میں باہمی رابطے اور اعتماد سازی کے اقدامات سے متعلق کانفرنس کی ساتویں سربراہی کانفرنس میں شرکت کریں گے ۔اس کے علاوہ وانگ ای 14 سے 20 اکتوبر تک آذربائیجان، کروشیا، مونٹی نیگرو اور بلغاریہ کا دورہ بھی کریں گے۔ ماؤ نینگ نے کہا کہ اس کانفرنس میں چین تمام فریقوں سے تبادلہ خیال کرے گا ، کثیرالجہتی اور چار گلوبل انیشی ایٹیو ز کو فعال طور پر نافذ کرتے ہوئے ایشیائی حکمرانی کو بہتر بنائے گا اور ایشیائی ہم نصیب معاشرے کی تعمیر کے لئے خدمات سر انجام دے گا۔