دو نوں فر یقوں کو اسٹریٹجک رابطے کو مضبوط بنانا چا ہئے، شی جن پھنگ
بیجنگ () چینی صدر شی جن پھنگ نے بیجنگ کے عظیم عوامی ہال میں چین کے سرکاری دورے پر آئے ہوئے برونائی کےر ولی عہد شہزادہ المہتدی باللہ سے ملاقات کی۔منگل کے روز
شی جن پھنگ نے کہا کہ چین اور برونائی قریبی ہمسایہ اور مخلص دوست ہیں ۔ گزشتہ سال، میں اور سلطان حسن البلقیہ چین -برونائی ہم نصیب معاشرے کی تعمیر پر ایک اہم اتفاق رائے پر پہنچے۔ اس سال چین اور برونائی کے درمیان سفارتی تعلقات کے قیام کی 35ویں سالگرہ منائی جا رہی ہے۔ دونوں فریقوں کو چین برونائی ہم نصیب معاشرے کی تعمیر کو رہنما اصول کے طور پر لیتے ہوئے اسٹریٹجک رابطے کو مضبوط بنانا ،عملی تعاون کو گہرا کرنا اور علاقائی امن و استحکام میں مزید مثبت توانائی فراہم کرنی چاہیے۔ شی جن پھنگ نے زور دیا کہ دونوں ممالک کو اعلیٰ سطحی باہمی اعتماد پر مبنی اسٹریٹجک شراکت دار، باہمی فائدے اور مشترکہ ترقی کے ساتھی، اور تہذیبی روابط کو فروغ دینے والے شراکت دار بننا چاہیے؛ اور قریبی چین-آسیان ہم نصیب معاشرے کی تعمیر کو فروغ دینے کے لیے آسیان ممالک کے ساتھ مل کر کام کرنا چاہیے۔
شہزادہ المہتدی باللہ نے کہا کہ چین برونائی کا دیرینہ دوست ہے۔ برونائی ون چائنا پالیسی پر مضبوطی سے عمل پیرا ہے اور صدر شی جن پھنگ کے بنی نوع انسان کے ہم نصیب معاشرے کی تعمیر کے تصور اور ان کے گلوبل گورننس انیشی ایٹو کو سراہتا ہے۔ برونائی آسیان-چین تعاون کو گہرا کرنے اور علاقائی خوشحالی اور استحکام کے تحفظ کے لیے چین کے ساتھ قریبی تعاون کا منتظر ہے۔