چینی فلموں کی بیرون ملک نمائش اور پروموشن کی سرگرمی "سلک روڈ لائٹ اینڈ شیڈو ” کا کرغزستان کے شہر بشکیک میں آغاز

بیجنگ :چینی فلموں کی بیرون ملک نمائش اور پروموشن کی سرگرمی "سلک روڈ لائٹ اینڈ شیڈو ” کا باضابطہ آغاز کرغزستان کے شہر بشکیک میں ہوا۔ کرغزستان میں چینی سفارت خانے کے منسٹر کونسلر لی ہوا، کرغزستان کی وزارت ثقافت، اطلاعات ،نوجوانوں کی پالیسی کے محکمہ فلم کے ڈائریکٹر تالانت بیک تولوبیکوف، اور چین اور کرغزستان کے ثقافتی ،میڈیا ، تارکین وطن اور نوجوان طلبہ کے حلقوں کے نمائندوں سمیت تقریباً 300 افراد نے اس تقریب میں شرکت کی ۔چینی فلموں کی بیرونی نمائش کی یہ سرگرمی "سلک روڈ لائٹ اینڈ شیڈو ” نیشنل فلم بیورو کی معاونت سے منعقد کی گئی اور اس کا اہتمام چائنا میڈیا گروپ (سی ایم جی) نے کیا ۔ کرغیزستان کے قومی ٹیلی ویژن چینل ALA-TOO 24، قومی خبر رساں ایجنسی KABAR اور دیگر متعدد مقامی ذرائع ابلاغ نے اس تقریب کی کوریج کی ۔