بیجنگ :قومی ترقی اور اصلاحات کمیشن نے ‘چین کے کاروباری ماحول کی ترقی کی رپورٹ 2026 ‘ شائع کی۔ رپورٹ میں بتایا گیا ہے کہ 2025 میں، چین کے کاروباری ماحول کی تعمیر میں نئی پیش رفت حاصل ہوئی ، اور کاروباری اداروں کے لیے مارکیٹ میں داخلے کی لاگت مزید کم اور پراسیسنگ اور خدمات مزید بہتر ہو گئی ہیں۔رپورٹ کے مطابق جیسے جیسے مارکیٹ میں رسائی کے نظام میں مزید بہتری آئی، کمپنیوں کے سرمایہ کاری کے دائرہ کار میں مزید وسعت دیکھی گئی ۔ مارکیٹ تک رسائی کی رکاوٹوں کو دور کیا گیا اور 2300 سے زیادہ دستاویزات میں ترمیم کی گئی یا انہیں منسوخ کیا گیا ، جس نے کاروباری اداروں کے مارکیٹ میں داخلے کے حقوق کی مضبوطی کو یقینی بنایا ہے ۔ رپورٹ میں یہ بھِی بتایا گیا ہے کہ 2025 میں، چین نے یونیفائڈ نیشنل مارکیٹ کی تعمیر کو مزید آگے بڑھایا ہے اور مارکیٹ میں مقابلہ مزید منظم ہو ا ہے ۔ ٹینڈرنگ اور بولی کی نگرانی کا نظام اور میکانزم مزید بہتر ہوا ہے اور مارکیٹ کی توانائی مسلسل بڑھی ہے ۔