بگ ٹکٹ ڈی پی ورلڈ آئی ایل ٹی20 سیزن 5 کا آفیشل انٹرٹینمنٹ پارٹنر بن گیا
٫دبئی: مشرق وسطیٰ کی معروف اور طویل عرصے سے جاری رافل ڈرا ’بگ ٹکٹ‘ ڈی پی ورلڈ انٹرنیشنل لیگ ٹی20 کے پانچویں سیزن میں آفیشل انٹرٹینمنٹ پارٹنر کے طور پر واپس آگیا، جس کے تحت بگ ٹکٹ لیگ کے تمام 34 میچز میں کرکٹ شائقین کے لیے تفریح اور جوش و خروش کا حصہ بنے گا۔ڈی پی ورلڈ آئی ایل ٹی20 اور بگ ٹکٹ نے گزشتہ سیزن میں کامیاب شراکت داری کے بعد معاہدے کی تجدید کردی ہے۔ بگ ٹکٹ اس سیزن میں بھی متحدہ عرب امارات میں کرکٹ شائقین کو دلچسپ تجربات اور تفریحی سرگرمیوں سے جوڑنے کے لیے اپنا کردار ادا کرے گا۔لیگ کے پانچویں سیزن کا آغازہوگیا۔ چار ہفتوں پر مشتمل ٹورنامنٹ کے میچز دبئی، ابوظہبی اور شارجہ کے کرکٹ اسٹیڈیمز میں کھیلے جائیں گے، جبکہ فائنل 20 دسمبر کو ہوگا۔1992 میں قائم ہونے والا بگ ٹکٹ وقت کے ساتھ رافل ڈرا سے آگے بڑھتے ہوئے خوابوں کی تعبیر اور کامیابیوں کے جشن کی علامت بن چکا ہے۔ ادارہ نقد انعامات، لگژری گاڑیوں، سونے کی سلاخوں اور سکوں سمیت مختلف انعامات اور خصوصی تجربات کے ذریعے شرکاء کو اپنے خواب پورے کرنے کی ترغیب دیتا ہے۔ڈی پی ورلڈ آئی ایل ٹی20 کے ہیڈ آف پارٹنرشپس ایشان چوپڑا نے شراکت داری کی تجدید پر خوشی کا اظہار کرتے ہوئے کہا کہ بگ ٹکٹ کی واپسی شائقین کے لیے مزید دلچسپ تجربات فراہم کرنے میں مددگار ثابت ہوگی۔ انہوں نے کہا کہ بگ ٹکٹ کا خوابوں کو حقیقت میں بدلنے کا تصور لیگ کے شائقین کو ترجیح دینے اور انہیں میدان کے اندر اور باہر یادگار لمحات فراہم کرنے کے وژن سے ہم آہنگ ہے۔بگ ٹکٹ ابوظہبی لاٹری کے ڈائریکٹر مارٹن بیکسٹر نے کہا کہ گزشتہ سیزن میں ڈی پی ورلڈ آئی ایل ٹی20 کے ساتھ شراکت داری نے متحدہ عرب امارات میں کرکٹ کی مقبولیت اور شائقین کے ساتھ رابطے کے نئے مواقع فراہم کیے۔ انہوں نے کہا کہ پانچویں سیزن میں شراکت داری کو مزید مستحکم کرتے ہوئے شائقین کے لیے یادگار تجربات تخلیق کرنے پر خوشی ہے۔لیگ کے پانچویں سیزن کے تمام میچز کے ٹکٹ فروخت کے لیے دستیاب ہیں، جبکہ تینوں میزبان مقامات پر بچوں کے ٹکٹ 10 درہم سے شروع ہوں گے۔ شائقین کے لیے مختلف ہاسپیٹیلٹی پیکیجز بھی پیش کیے گئے ہیں۔