چینی وزیرِ خارجہ اجلاس کی صدارت کے لیے نیویارک جائیں گے
اقوام متحدہ : اقوام متحدہ کی سلامتی کونسل کی صدارت چین کے پاس ہے۔ چین کی زیرصدارت 26 مئی کو ،سلامتی کونسل کا ایک اعلیٰ سطح اجلاس منعقد ہو گا۔جمعہ کے روز چینی میڈیا کے مطابق اجلاس کا موضوع "اقوام متحدہ کے منشور کے مقاصد اور اصولوں کا تحفظ اور اقوام متحدہ کی مرکزی حیثیت سے بین الاقوامی نظام کو مضبوط بنانا” ہے۔کمیونسٹ پارٹی آف چائنا کی مرکزی کمیٹی کے سیاسی بیورو کے رکن اور چینی وزیرِ خارجہ وانگ ای اجلاس کی صدارت کے لیے نیویارک جائیں گے۔نیویارک میں قیام کے دوران وانگ ای 28 مئی کو منعقد ہونے والے”فرینڈز آف گلوبل گورننس”کے اجلاس میں بھی شرکت کریں گے، جبکہ وہ اقوام متحدہ کے سیکرٹری جنرل انتونیو گوتریس اور مختلف ممالک کے وزرائے خارجہ سے ملاقاتیں بھی کریں گے۔علاوہ ازیں ،کینیڈا کی وزیر خارجہ انیتا آنند کی دعوت پر وانگ ای 28 سے 30 مئی تک کینیڈا کا دورہ بھی کریں گے۔
