چین میں ٹریڈ ان پروگرام کھپت کی ضروریات کو درستگی کے ساتھ پورا کرتا ہے، چینی میڈیا

بیجنگ :چائنا نیشنل بلڈنگ میٹریلز گروپ (سی این بی ایم) کی تین اعلیٰ کارکردگی والی کاربن فائبر پراڈکشن لائنز کو سی این بی ایم لیئن یون گانگ بیس پر فعال کیا گیا، جس سے چین کی اعلیٰ درجے کی مینوفیکچرنگ کے لئے اہم مواد کی کمی پوری ہوئی ۔ ایک ہی وقت میں،ملک کے ٹریڈ ان پروگراموں کے لیے خصوصی سبسڈیز میں کل 62.5 بلین یوآن مکمل طور پر تقسیم کیے گئے، جو چین کی گھریلو صارفین کی مارکیٹ کو مسلسل متحرک کر رہے ہیں۔ ایک طرف، صنعتی فراہمی میں پیش رفت پر توجہ مرکوز کی جا رہی ہے جبکہ دوسری طرف مقامی مارکیٹ کووسعت دی جا رہی ہے۔ ترقی کے یہ دونوں منظرنامے ایک دوسرے کی تصدیق کرتے ہیں اور واضح طور پر "سپلائی کے معیار میں بہتری اور طلب میں توسیع” کی مثبت گردش کو ظاہر کرتے ہیں اور چینی معیشت کی ٹھوس، قابل اعتماد، اور پائیدار اندرونی ترقی کی تشریح کرتے ہیں۔نئے میٹیریل اعلی درجے کی مینوفیکچرنگ کی بنیاد ہیں. ہوابازی کے سازوسامان، آف شور ونڈ پاور، نئی توانائی کی گاڑیاں، اور لو ایلٹیٹیوڈ ا نڈسٹریز کی ترقی کے لیے اعلیٰ کارکردگی کا کمپاؤنڈ میٹیریل ناگزیر ہے۔ اس سے پہلے، چین اعلیٰ درجے کے میٹیریل کے لیے غیر ملکی سپلائیز پر بہت زیادہ انحصار کرتا تھا، اور صنعتی چین کو نمایاں طور پر بیرونی خطرات کا سامنا تھا۔ اس بار فعال ہونے والی متعدد پراڈکشن لائنز کی لوکلائزیشن کی شرح 90 فیصد سے تجاوز کر گئی ہے، جس سے انتہائی اعلیٰ طاقت والے نئے میٹیریل کی بڑے پیمانے پر آزادانہ پیداوارکو عملی جامہ پہننایا گیا ہے ۔ عالمی تکنیکی مسابقت اور بڑھتی ہوئی تجارتی تحفظ پسندی کے ماحول میں، یہ پیش رفت نہ صرف چین میں مینوفیکچرنگ انٹرپرائزز کی خریداری کی لاگت کو نمایاں طور پر کم کرے گی، بلکہ گھریلو اعلیٰ درجے کی صنعتی چین کو بیرونی سپلائی سے بھی آزاد کر دے گی اور یوں مستحکم اقتصادی آپریشن کے لیے صنعتی بنیاد کی مضبوطی کا باعث بنے گی ۔ملکی منڈی کی مستقل حاصل ہونے والی قوت محرکہ چین کی مستحکم اور طویل مدتی ترقی کا ستون ہے۔ اپنی سپرلارج مارکیٹ کی برتریوں سے فائدہ اٹھاتے ہوئے، ٹریڈ ان پروگرام لوگوں کی ابھرتی ہوئی کھپت کی ضروریات کو درستگی کے ساتھ پورا کرتا ہے اور صحیح معنوں میں صارفین کی خریداری کی صلاحیت کو استعمال کرتا ہے ۔ پالیسیاں لوگوں کی رہنمائی کر رہی ہیں کہ وہ توانائی کی کفایت شعاری پر مبنی برقی سازو سامان کواپ گریڈ کریں، پرانی گاڑیوں کونیوانرجی والی گاڑیوں سے تبدیل کریں، اور گھر کی سجاوٹ کے آلات کو اپ گریڈ کریں، جس کے نتیجے میں سبز اور سمارٹ کنزیومر پراڈکٹس کی طلب میں مسلسل اضافہ ہو رہا ہے۔ تازہ ترین اعداد و شمارکے مطابق اس سال کے پہلے پانچ مہینوں میں، چین میں اعلیٰ کارکردگی والے گھریلو برقی سازوسامان کی خوردہ فروخت میں سال بہ سال 30 فیصد سے زیادہ کا اضافہ ہوا، اور نئی توانائی کی گاڑیوں کا مارکیٹ میں تناسب 60 فیصد سے زیادہ پر مستحکم رہا۔ اس سال 20 جون تک، سبسڈیز کے اس دور سے 136 ملین افراد مستفید ہوئے ہیں، جس سے مجموعی کھپت ایک ٹریلین یوآن سے تجاوز کر گئی اور مالی سبسڈیز 1:10.3 کے تناسب سے کھپت کو فروع دے رہی ہیں۔صارفین کی مضبوط طلب نہ صرف قلیل مدتی مارکیٹ کو متحرک کرتی ہے بلکہ مینوفیکچرنگ انڈسٹری کی اپ گریڈنگ کو بھی آگے بڑھاتی ہے۔ کم وزن، کم کاربن، اور اعلیٰ معیار کی مصنوعات کی مارکیٹ کی طلب میں مسلسل اضافہ ہوتا جا رہا ہے، جس سے براہ راست نئے میٹیریل ،نئی توانائی کے ذخیرے، اور سمارٹ سازوسامان کی صنعتوں میں آرڈرز کی نمو آگے بڑھ رہی ہے۔اس طرح ایک دو طرفہ ” کلوز لوپ "بنتا ہے جہاں صارفین کی طلب صنعتی جدت کو آگے بڑھاتی ہے اور صنعتی اپ گریڈنگ سامان کی فراہمی کو تقویت بخشتی ہے۔کچھ مغربی ممالک کے برعکس، جو دوسرے ممالک کی صنعتوں کی ترقی کو روکنے کے لیے تجارتی رکاوٹیں کھڑی کرتے ہیں جبکہ گھریلو استعمال کو سپورٹ کرنے کے لیے ان کے ہاں ایک مکمل صنعتی نظام کی کمی ہے اوران کی ترقی کی رفتار کمزور ہے، چین بیک وقت سپلائی سائیڈ اسٹرکچرل اصلاحات اور گھریلو طلب کو بڑھا رہا ہےا ور قلیل مدتی بیرونی محرک پر انحصار کیے بغیر طویل مدتی ترقی کی قوت کو فروغ دینے کے لیے اپنی طلب اور رسد پر انحصار کر رہا ہے۔ اس سال کے پہلے پانچ مہینوں میں، چین کا مجموعی سوشل لاجسٹکس کا حجم 146.6 ٹریلین یوآن تک پہنچا ، جو کہ سال بہ سال 5.2 فیصد کا اضافہ ہے۔ یہ طلب اور رسد کے ہموار بہاؤ کو ظاہر کرتا ہے اور دونوں سمتوں میں مربوط کوششوں کا مضبوط ثبوت فراہم کرتا ہے۔موجودہ عالمی اقتصادی بحالی ہم آہنگ انداز میں نہیں ہورہی اور بلاکس کی طرف سے یکطرفہ دباؤ اور ڈی کپلنگ جیسی سر گرمیوں نے عالمی اقتصادی اور تجارتی منظر نامے کو مسلسل متاثر کیا ہے۔ چین میں نئے میٹیریل کی بڑے پیمانے پر پیداوار اور ٹریڈ ان پروگرام میں کھپت میں اضافہ اس بات کو ظاہر کرتا ہے کہ چینی معیشت کی بنیادی طاقت بیرونی تجارت میں ہونے والا قلیل مدتی اتار چڑھاؤ نہیں ، بلکہ ایک مکمل اور خود پر انحصار کرنے والی صنعتی چین، وسیع امکانات کی حامل ایک بڑی ملکی مارکیٹ، اور ایک ہموار اور مستحکم گھریلو اقتصادی سائیکل میں ہے۔ملک کے” پندرہویں پانچ سالہ منصوبے” کے نئے نقطہ آغاز پر ، چین کلیدی ٹیکنالوجیز کے حصول پر توجہ مرکوز رکھے گا، کھپت کو فروغ دینے کے لیے طویل مدتی میکانزم کو مسلسل بہتر بنائے گا، سپلائی سائیڈ جدت کے ذریعے اندرونی طلب کے امکانات کو فعال کرے گا، نئی صنعتی قوت محرکہ کو فروغ دے گا اورفراہمی اور طلب کے دوطرفہ سائیکل کے ذریعے ترقی کی اندورنی متحرک قوت کو جمع کرےگا۔ بیرونی طوفانوں سے بے خوف، چین مستقل طور پر اعلیٰ معیار کی ترقی کی طویل مدتی راہ پر گامزن رہے گا۔