مین لینڈ کی سوشل میڈیا ایپلی کیشنز تائیوان کے نوجوانوں کی ترقی میں ان کی مدد کر رہی ہیں، چینی ریاستی کونسل

بیجنگ : اطلاعات کے مطابق حال ہی میں تائیوان انتظامیہ کے لائی چھنگ دے نے کہا کہ تائیوان کی نوجوان نسل پر ٹک ٹاک اور ریڈ نوٹ کے اثرات سے نمٹنا ہو گا ۔ بدھ کے روز چین کی ریاستی کونسل کے امور تائیوان کےدفتر کی ترجمان جو فنگ لیئن نے یومیہ پریس کانفرنس میں اس حوالے سے ایک سوال کا جواب دیتے ہوئے کہا کہ تائیوان کے ہم وطن، خاص طور پر نوجوان، مین لینڈ کی سوشل میڈیا ایپلی کیشنز کو اس لیے زیادہ استعمال کر رہے ہیں کیونکہ ان کے ذریعے وہ زندگی کے بھرپور تجربات اور آزادانہ اظہار کے مواقع حاصل کر تے ہیں۔ ترجمان کا کہنا تھا کہ وہ کھانوں اور خوبصورت مقامات کی تصاویر شیئر کرتے ہیں، اپنے رشتہ داروں کی تلاش کی پوسٹس کرتے ہیں، اور تعلیمی تبادلہ کرتے ہیں۔ یہ دونوں کناروں کے انٹرنیٹ صارفین کا ایک دوسرے کے قریب آںے کا عمل ہے، اور اس بات کا ثبوت ہے کہ ” آبنائے کے دونوں اطراف "ایک خاندان ” جیسے ہیں ۔جو فنگ لیئن نے کہا کہ مین لینڈ کی سوشل میڈیا ایپلی کیشنز تائیوان کے نوجوانوں کی ترقی، کامیابی اور خوابوں کی تعبیر پانے میں ان کی مدد کر رہی ہیں، جبکہ لائی چھنگ دے کی انتظامیہ مسلسل ان ایپلیکیشنز کو بدنام کر رہی ہے حتیٰ کہ تائیوان کے نوجوانوں کو دھمکا بھی رہی ہے ۔ان کا کہنا تھا کہ آبنائے تائیوان کے دونوں کناروں درمیان تبادلوں اور روابط کو توڑنے کی اس طرح کی کوششیں اور سازشیں کبھی کامیاب نہیں ہو ں گی بلکہ پابندیاں لگانے سے یہ ایپلی کیشنز اور زیادہ مقبول ہوں گی ۔