چین کیوبا کی خودمختاری، سلامتی اور ترقی کے مفادات کے تحفظ کی بھرپور حمایت کرتا ہے ، چینی وزارت خارجہ

بیجنگ :چینی وزارتِ خارجہ کی ترجمان ماؤ نِنگ نے رسمی پریس کانفرنس میں امریکہ کی جانب سے کیوبا پر فوجی خطرے میں اضافے کی دھمکی کے حوالے سے ایک سوال کے جواب میں کہا کہ چین کا ہمیشہ سے یہ موقف رہا ہے کہ ہر ملک کی خودمختاری اور علاقائی سالمیت کا احترام کیا جائے۔ ترجمان نے کہا کہ چین بین الاقوامی تعلقات میں طاقت کے استعمال یا دھمکی اور کسی بھی بہانے سے دوسرے ملک کی خودمختاری پر حملہ یا اس کے داخلی امور میں مداخلت کی مخالفت کرتا ہے ۔ ماؤ نِنگ کا کہنا تھا کہ تمام ممالک کو بین الاقوامی قانون اور اقوامِ متحدہ کے چارٹر کے مقاصد اور اصولوں کی پابندی کرنی چاہیے۔انہوں نے کہا کہ چین کیوبا کی خودمختاری، سلامتی اور ترقی کے مفادات کے تحفظ کی پرعزم حمایت کرتا ہے۔