افریقی برآمدات پر چین کی زیرو ٹیرف پالیسی ایک بڑی طاقت کے طور پر اس کی ذمہ داری کو ظاہر کرتی ہے، چینی میڈیا

بیجنگ : یکم مئی سے ،چین کی جانب سے 53 افریقی ممالک جن کے ساتھ اس کے سفارتی تعلقات قائم ہیں، ان پر مکمل طور پر صفر ٹیرف پالیسی نافذ ہو جائے گی۔ چائنا میڈیا گروپ کے تحت سی جی ٹی این کی جانب سے دنیا بھر کے انٹرنیٹ صارفین کے درمیان کرائے گئے ایک سروے سے پتہ چلتا ہے کہ 87.3 فیصد جواب دہندگان نے چین کے باہمی جیت پر مبنی تجارتی تصورکو مثبت قرار دیا اور وہ سمجھتے ہیں کہ اس اقدام سے افریقی ممالک کو درپیش ترقیاتی مشکلات اور غیر منصفانہ سلوک کو کم کرنے میں مدد ملے گی اور یہ بین الاقوامی انصاف و برابری کے تحفظ میں کردار ادا کرے گا۔سروے میں، 87.8 فیصد جواب دہندگان کا ماننا ہے کہ زیرو ٹیرف پالیسی سے تقابلی برتری کی حامل افریقی مصنوعات کو چینی مارکیٹ کے اندر آسان رسائی میں مدد ملے گی۔ 84.5 فیصد جواب دہندگان کا خیال ہے کہ اس سے افریقی مصنوعات کی متعلقہ صنعتوں کی اپ گریڈنگ اور ساختی بہتری کو فروغ ملے گا جبکہ 83.8 فیصد جواب دہندگان نے کہا کہ اس اقدام سے افریقی زرعی مصنوعات کی پروسیسنگ کی صلاحیت، تحفظ، کولڈ چین، اور نقل و حمل سمیت معاون صلاحیتوں کو بہتر بنایا جائےگا۔ سروے میں 86.2 فیصد جواب دہندگان کا خیال ہے کہ اس اقدام سے افریقہ کے ساتھ باہمی فائدہ مند تعاون کے لیے چین کے پختہ عزم، اور جدیدیت کو مشترکہ طور پر فروغ دینے میں ایک بڑی طاقت کے طور پر اس کی ذمہ داری کا اظہار ہوتا ہے۔ 78 فیصد جواب دہندگان کا ماننا ہے کہ چین کے اس اقدام سے "گلوبل ساؤتھ” ممالک کے درمیان یکجہتی اور تعاون کو مزید مضبوط بنانے میں مدد ملے گی۔ یہ سروے سی جی ٹی این کے انگریزی، ہسپانوی، فرانسیسی، عربی، اور روسی پلیٹ فارمز پر جاری کیا گیا، اور 24 گھنٹوں کے اندر 7,665 انٹرنیٹ صارفین نے اس میں حصہ لے کر اپنی رائے کا اظہار کیا۔