میلبورن: 5 بار کے اولمپک گولڈ میڈلسٹ ایان تھورپ کے گھر چوری کی واردات ہوئی ہے، جس کے باعث وہ کروڑوں روپے کا سامان سے محروم ہوگئے۔
میڈیا رپورٹس کے مطابق آسٹریلوی سوئمنگ لیجنڈ ایان تھورپ کے گھر سے ڈاکوں ڈیرڈ لاکھ ڈالر (یعنی پاکستانی روپوں میں 4 کروڑ 23 لاکھ سے زائد)کا قیمتی سامان چرا لیا، جس میں گھڑیاں، زیورات اور دیگر سامان شامل ہے۔
اولمپک گولڈ میڈلسٹ نے پیڈنگٹن پولیس اسٹیشن میں چوری کی اطلاع دیدی ہے۔سابق اولمپک میڈلسٹ ایان تھورپ کے مینیجر جیمز ایرسکائن نے تصدیق کی ہے کہ تیراک نے اپنی انشورنس کمپنی کے مشورے کے بعد پولیس رپورٹ درج کروائی ہے، جس میں چوری شدہ اشیا کی تفصیلات بھی بتائی ہیں۔جیمز ایرسکائن کا کہنا ہے کہ تیراک کے کوئی کوئی اولمپک تمغے غائب نہیں ہیں، البتہ ذاتی سامان چرایا گیا ہے۔
