بیجنگ :چین میں گیارہواں "چائنا چیریٹی ڈے” منایا جا رہا ہے۔ رواں سال اس دن کا موضوع ” چیریٹی ثقافت کو فروغ دینا، چیریٹی کے ذریعے عوام کو فائدہ پہنچانا” ہے۔ حالیہ برسوں میں قدرتی آفات سے نمٹنے، مستحقین کی مدد اور مشکلات میں گھرے افراد کی معاونت سمیت مختلف شعبوں میں فلاحی سرگرمیوں نے اہم کردار ادا کیا ہے۔شی زانگ خود اختیار علاقے کی گیرونگ کاؤنٹی میں مٹی کے تودے گرنے کے واقعے کے بعد وزارتِ شہری امور نے فوری طور پر 29 آن لائن عوامی عطیات جمع کرنے والے پلیٹ فارمز اور متعلقہ خیراتی تنظیموں کی رہنمائی کی کہ وہ متاثرہ علاقے کی ضروریات کے مطابق منظم انداز میں امدادی عطیات جمع کریں۔ غیر حتمی اعداد و شمار کے مطابق اب تک جمع ہونے والے عطیات کی مالیت 66 کروڑ یوان سے تجاوز کر چکی ہے۔”ایک جگہ مشکل میں ہو تو ہر طرف سے مدد پہنچتی ہے۔” چودہویں پانچ سالہ منصوبے کے آغاز سے اب تک معاشرے کے مختلف حلقوں نے مجموعی طور پر 20 ارب یوان سے زائد عطیات دیے ہیں، جن کے ذریعے مختلف بڑی قدرتی آفات کے ہنگامی امدادی اقدامات، بحالی اورتعمیر نو کے کاموں میں مدد فراہم کی گئی ہے۔