بیجنگ:چین کی وزارتِ خارجہ کے ترجمان لین جیئن نے یومیہ پریس بریفنگ کے دوران چین کی جانب سے بین الاقوامی سمندری حدود میں کی جانے والی سرگرمیوں پر جاپان کے نام نہاد "تحفظات” کو بے بنیاد قرار دیتے ہوئے انھیں سختی سے مسترد کر دیا۔
انہوں نے کہا کہ چین اور روس کی مشترکہ فوجی مشقوں اور مشترکہ بحری گشت کے حوالے سے متعلقہ چینی ادارے پہلے ہی اپنا مؤقف واضح کر چکے ہیں۔ چین کی جانب سے متعلقہ بین الاقوامی سمندری حدود میں کی جانے والی سرگرمیاں بین الاقوامی قانون اور بین الاقوامی روایات کے عین مطابق ہیں۔ترجمان نے کہا کہ جاپان دیگر ممالک کی جائز اور قانونی سرگرمیوں کو بدنام کرنے اور انہیں سیاسی رنگ دینے کی کوشش کر رہا ہے، جبکہ بیرونی خطرات کا تاثر پیدا کر کے اپنی تیز رفتار ازسرِ نو عسکریت پسندی اور دوسری جنگِ عظیم کے بعد قائم ہونے والے بین الاقوامی نظام کو چیلنج کرنے کے لیے جواز تلاش کر رہا ہے۔ عالمی برادری کو جاپان کے اس خطرناک رجحان پر گہری نظر رکھنی چاہیے اور مشترکہ طور پر اس کی مزاحمت کرنی چاہیے۔