بیجنگ : چین کے چھونگ چھینگ شہر کی پھنگ شوئی کاؤنٹی میں مٹی کا تودہ گرنے کا واقعہ پیش آیا، جسکے نتیجے میں متعدد لوگ دب گئے اور لاپتہ ہوگئے۔واقعے کے بعد سی پی سی سینٹرل کمیٹی کے جنرل سیکرٹری، چینی صدر اور مرکزی فوجی کمیشن کے چیئرمین شی جن پھنگ نے اہم ہدایات جاری کرتے ہوئے تلاش اوریسکیو آپریشن کو سائنسی طریقے سے منظم کرنے، ثانوی آفات کو روکنے ، زخمیوں کے علاج اور اس کے بعد کے حالات کو مناسب طریقے سے سنبھالنے کی ضرورت پر زور دیا۔ ان کا کہنا تھا کہ واقعے کی وجوہات کے تعین سے ارضیاتی آفات اور دیگر خطرات کے امکانات کو ختم کیا جائے۔ سی پی سی سینٹرل کمیٹی کے سیاسی بیورو کی قائمہ کمیٹی کے رکن اورچین کے وزیر اعظم لی چھیانگ نے بھی ہدایات جاری کیں۔شی جن پھنگ اور لی چھیانگ کی ہدایات کی روشنی میں، سی پی سی سینٹرل کمیٹی کے سیاسی بیورو کے رکن اورچین کے نائب وزیر اعظم زانگ گو چھینگ متعلقہ محکموں کے حکام کے ہمراہ ریسکیو آپریشن کی رہنمائی کے لیے جائے وقوعہ پر روانہ ہوگئے ہیں۔ اس وقت ریسکیو آپریشن اور متعلقہ امدادی سرگرمیاں جاری ہیں۔