بیجنگ :چین کی وزارت خارجہ کے ترجمان لین جیئن نے یومیہ پریس کانفرنس میں جاپان کو ریئرارتھ منرلز کی برآمدات پر چین کی پابندیوں کے حوالے سے کہا کہ حالیہ برسوں میں جاپان جی سیون جیسے پلیٹ فارمز پرچین مخالف گروہوں کو اکٹھا کرنے کا عادی رہا ہے۔ چین نے قوانین و ضوابط کے مطابق جاپانی عسکری صارفین کو دوہرے استعمال کی تمام اشیاء کی برآمدات پرپابندی عائد کر دی ہے، جس کا مقصد جاپان کی "دوبارہ عسکریت پسندی” اور جوہری ہتھیاروں کے حصول کی کوششوں کو روکنا ہے۔ ترجمان کا کہنا تھا کہ چین اہم معدنی وسائل کے تحفظ کے لیے پرعزم ہے۔ اس کے ساتھ ساتھ تمام فریقوں کی ذمہ داری ہے کہ وہ تعمیری کردار ادا کریں۔ ہم جی سیون پر زور دیتے ہیں کہ وہ مارکیٹ اکانومی کے اصولوں کی سختی سے پابندی کرے اور چھوٹے گروہ بنا کر مالیاتی نظم و نسق کو سبو تاژ کرنا بند کرے۔