بیجنگ :چین کے صوبہ یوننان کے شہر کھون منگ میں دسویں چین – جنوبی ایشیا بین الاقوامی نمائش کا افتتاح ہوا۔ رواں سال ایکسپو میں 60 سے زائد ممالک،خطوں اور بین الاقوامی تنظیموں نے شرکت کی، جبکہ نمائشی رقبے اور بین الاقوامی شرکت کے اعتبار سے یہ اب تک کا سب سے بڑا ایڈیشن ہے۔ نمائش میں تمام جنوبی ایشیائی ممالک کی بھرپور نمائندگی کو بھی یقینی بنایا گیا ہے۔ ایکسپو میں تقریباً 560 جنوبی ایشیائی کمپنیوں نے اپنی مصنوعات اور خدمات کی نمائش کی، جبکہ دنیا بھر سے تقریباً100معروف صنعتی ادارے اور 1500 سے زائد پیشہ ور خریدار بھی شریک ہوئے۔رواں سال کے ایکسپو میں بنگلہ دیش کو مہمانِ خصوصی کے طور پر نامزد کیا گیا ہے۔