بیجنگ : چینی صدر شی جن پھنگ اور سورینام کی صدر جینیفر سائمنز نے دونوں ممالک کے درمیان سفارتی تعلقات کے قیام کی پچاسویں سالگرہ کے موقع پرتہنیتی پیغامات کا تبادلہ کیا۔ جمعرات کے روز شی جن پھنگ نے کہا کہ چین اور سورینام کے درمیان دوستی کی ایک طویل تاریخ ہے اور یہ وقت کی کسوٹی پر ہمیشہ پورا اتری ہے۔ نصف صدی سے، دونوں فریقوں نے ہمیشہ ایک دوسرے کا احترام کیا ہے اور مساوی سلوک روا رکھا ہے،باہمی مفادات اور اہم دلچسپی سے جڑے مسائل پر ایک دوسرے کی مضبوط حمایت کی ہے، اور باہمی فائدہ مند تعاون کو مسلسل گہرا کیا ہے، جس سے دونوں ممالک کے عوام کو ٹھوس فوائد حاصل ہوئے ہیں۔ صدر شی جن پھنگ نے کہا کہ وہ چین -سورینام تعلقات کی ترقی کو بہت اہمیت دیتے ہیں اور دونوں ممالک کے درمیان سفارتی تعلقات کے قیام کی پچاسویں سالگرہ کو ایک نئے نقطہ آغاز کے طور پر لیتے ہوئے، اسٹریٹجک باہمی اعتماد اور روایتی دوستی کو بڑھانے، مختلف شعبوں میں عملی تعاون کو فروغ دینے اور چین-سورینام اسٹریٹجک تعاون پر مبنی شراکت داری میں مشترکہ طور پر ایک نیا باب لکھنے کے لیے صدر جینیفر سائمنز کے ساتھ کام کرنے کے لیے تیار ہیں۔