یورپ اور چین کبھی دشمن نہیں رہے، سابق وزیر اعظم اٹلی

بیجنگ:اٹلی کے سابق وزیر اعظم اور یورپی کمیشن کے سابق صدر رومانو پروڈی نے چائنا میڈیا گروپ کو ایک خصوصی انٹرویو دیا۔کیوں کہ وہ درجنوں بار چین کا دورہ کر چکے ہیں اس لئے چین کی ترقی پر ان کے مشاہدات منفرد ہیں۔ انہوں نے کہا کہ چین کی ویلیو چین اب پیداوار کے مختلف شعبوں کو جوڑتی ہے جو کہ منفرد ہے۔رومانو نے کہا کہ یورپ اور چین کبھی دشمن نہیں رہے۔ چین کی ترقی اور پیش رفت حیران کن ہے۔ انہوں نے کہا کہ وہ ہمیشہ اس بات پر زور دیتے ہیں کہ اختلافات کو فعال تحقیق اور مکالمے کے ذریعے حل کیا جانا چاہیے۔ چین اور مغرب کے درمیان غلط فہمیوں کو دور کرنے کے بارے میں، انہوں نے کہا کہ فریقین بتدریج اور باہمی تعاون کے ذریعے ایک دوسرے کو مثبت پیغامات بھیج سکتے ہیں، اور ماضی سے مختلف ایک نیا راستہ نکال سکتے ہیں۔” ان کا کہنا تھا کہ وہ ہمیشہ اس بات پر زور دیتے ہیں کہ تبادلوں کے شعبوں کو وسیع کیا جائے، تبادلے معیشت تک محدود نہ ہوں، بلکہ ان میں ثقافت، دوستی، تعاون اور مفاہمت کو بھی شامل کیا جائے۔، اٹلی کے سابق وزیر اعظم اور یورپی کمیشن کے سابق صدر رومانو نے اس انٹرویو میں دوسرے ممالک اور خطوں کے لیے چین کی اقتصادی کامیابیوں کے مضمرات پر گفتگو کرتے ہوئے کہا کہ سب سے اہم کامیابی بڑے پیمانے پر ابھرتی ہوئی صنعتوں کی ترقی ہے۔ اعلی ٹیکنالوجی کے شعبوں میں بڑے پیمانے پر پیداوار، بشمول الیکٹرک گاڑیاں، بیٹریاں، شمسی اور ہوا سے حاصل ہونے والی توانائی کی صنعتوں میں چین منفرد حیثیت رکھتا ہے اور آج کی دنیا میں کوئی دوسرا ملک اتنی کامیابی حاصل نہیں کر سکا۔ اس کے ساتھ، چین نے انٹرمیڈیٹ مصنوعات کی تیاری جیسے روایتی فوائد کو بھی برقرار رکھا ہے۔ معاشیات کے تناظر سے دیکھا جائے تو یہی وہ نمایاں فرق ہے جو چین کو دیگر معیشتوں سے ممتاز کرتا ہے۔انٹرویو میں، رومانو پروڈی نے کہا کہ چین اور یورپ کے درمیان تعاون کو فروغ دینے کے لیے اختلافات کا احترام، باہمی رواداری اور اخلاص کو برقرار رکھنا ضروری ہے۔