بیجنگ:چینی صدر شی جن پھنگ نے اس بات پر زور دیا ہے کہ ہمیں ہمیشہ ہیروز کے بہادر کارناموں کو یاد رکھنا چاہیے اور ان کے عظیم جذبے کو نسل در نسل آگے بڑھانا چاہیے۔چھنگ مِنگ فیسٹیول کے موقع پر لوگ ان عظیم ہیروز کو خصوصی طور پر یاد کرتے ہیں جنہوں نے قومی خودمختاری، عوام کی آزادی اور ملک کی طاقت کے لیے نمایاں خدمات انجام دیں اور یہاں تک کہ اپنی قیمتی جانوں کا نذرانہ پیش کیا۔ ہیروز کا جذبہ ایک ایسی شمع کی مانند ہے جو کبھی بجھتی نہیں، اور جو اربوں لوگوں کو ملک کی تعمیر اور قومی ترقی کے عظیم مشن کے لیے متحد ہونے کی تحریک دیتی ہے ۔رواں سال ریڈ آرمی کی لانگ مارچ کی فتح کو 90 سال مکمل ہو گئے ہیں۔ لانگ مارچ کے تمام یادگاری مقامات اور شہداء کی یادگاروں کے سامنے لوگ ان انقلابی پیشواؤں کو خراجِ عقیدت پیش کر رہے ہیں، اُن کی بہادری کے جذبے کو فروغ دے رہے ہیں اور آگے بڑھنے کی نئی قوت حاصل کر رہے ہیں۔ ہیروز کی عزت کرنے سے ہی ہیروز پیدا ہوتے ہیں، اور ہیرو بننے کی کوشش سے ہی معاشرے میں بہادری اور قربانی کا جذبہ فروغ پاتا ہے۔شی جن پھنگ نے کہا کہ جو لوگ ملک، قوم اور امن کے لیے اپنی جانوں کا نذرانہ پیش کرتے ہیں، ہمیں ہر دور میں ان کی قربانیوں اور خدمات کو ہمیشہ یاد رکھنا چاہیے۔