تمام فریقین کی ذمہ داری ہے کہ وہ توانائی کی مستحکم اور بلا رکاوٹ فراہمی کو یقینی بنائیں، چینی وزارت خارجہ

بیجنگ : چینی وزارت خارجہ کے ترجمان گو جیاکھون نے یومیہ پریس کانفرنس کے دوران مشرق وسطیٰ کی صورتحال اور عالمی توانائی کی سلامتی پر تبصرہ کرتے ہوئے کہا کہ چین کو مشرق وسطیٰ میں جاری کشیدگی پر گہری تشویش ہے اور تمام فریقوں کو چاہیے کہ وہ فوری طور پر فوجی آپریشن بند کر دیں تاکہ کشیدگی میں مزید اضافہ نہ ہو اور خطے میں عدم استحکام کے عالمی اقتصادی ترقی پر منفی اثرات سے بچا جا سکے۔ توانائی کی سلامتی عالمی معیشت کے لیے نہایت اہم ہے، اور تمام فریقوں کی یہ ذمہ داری ہے کہ وہ توانائی کی مستحکم اور بلا روک ٹوک فراہمی کو یقینی بنائیں۔ چین اپنی توانائی سلامتی کے لیے ضروری اقدامات کرے گا۔ گو جیاکھون نے کہا کہ آبنائے ہرمز اور اس سے ملحقہ سمندری راستے بین الاقوامی تجارت اور توانائی کی ترسیل کے لیے اہم روٹس ہیں اور اس خطے میں سلامتی اور استحکام کو برقرار رکھنا بین الاقوامی برادری کے تمام فریقوں کے مشترکہ مفاد میں ہے۔