بیجنگ : چین کے صدر شی جن پھنگ نے بیجنگ کے شین جیئے کھو ضلع میں قائم بزرگ افراد کے لیے مختص کینٹین کا دورہ کیا۔بدھ کے روز چینی میڈیا کے مطابق اس موقع پر شی جن پھنگ نے وہاں آرام کے لیے موجود تین کوریئر کارکنوں سے ملاقات کی اور انتہائی شفقت سے اُن کے حالات زندگی دریافت کیے۔ انہوں نے کوریئر کارکنوں کی محنت اور خدمات کو قابلِ تحسین قرار دیا۔شی جن پھنگ نے کہا کہ کوریئر کارکن ہزاروں خاندانوں کی ضروریات پوری کرتے ہیں اور شہری زندگی میں اہم کردار ادا کرتے ہیں ۔ انہوں نے امید ظاہر کی کہ کوریئر کارکن بہتر زندگی گزاریں گے اور بہتر حالات میں کام کریں گے۔شی جن پھنگ نے اس بات پر زور دیا کہ پارٹی اور حکومت نئے طرزِ روزگار سے وابستہ افراد کا خاص خیال رکھیں اور ان کی زندگی، کام اور تعلیم کے لیے بہتر خدمات اور سہولیات فراہم کریں۔