بیجنگ () چائنا میڈیا گروپ اور یوراگوئے میں چینی سفارت خانے کے اشتراک سے "جدت، کھلا پن اور مشترکہ ترقی” کے عنوان سے یوراگوئے کے دارالحکومت مونٹیویڈیو میں ایک عالمی مکالمے کا انعقاد کیا گیا۔ تقریب میں چین اور یوراگوئے کے سیاست، صنعت و تجارت، تعلیم ،میڈیا اور دیگر حلقوں کے ایک سو سے زائد معزز مہمانوں نے شرکت کی۔
سی پی سی سینٹرل کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے تقریب سے ورچوئل خطاب کیا ۔انھوں نے کہا کہ سی پی سی کی 20 ویں مرکزی کمیٹی کا چوتھا کل رکنی اجلاس حال ہی میں بیجنگ میں اختتام پذیر ہوا ، جو نئے عہد میں چین کا ایک اور اہم سنگ میل سمجھا جاتا ہے۔ کل رکنی اجلاس میں ملکی ترقی کے اہم اہداف کے حوالے سے اعلیٰ سطح ڈیزائن اور حکمت عملی پیش کی گئی۔اجلاس نے ایک بار پھر دنیا کے سامنے واضح کیا کہ چین اعلیٰ سطح کھلے پن کو وسعت دے گا اور تعاون اور باہمی فائدے کے نئے دور کا آغاز کرے گا۔ قطع نظر اس کے کہ بین الاقوامی حالات کس طرح بدلتے ہیں، چین ہمیشہ کھلے پن ، اشتراک اور اختراع پر قائم رہے گا اور غیر یقینی صورت حال سے بھری دنیا میں زیادہ اعتماد اور طاقت فراہم کرے گا۔چائنا میڈیا گروپ اپنے شراکت داروں کے ساتھ مل کر عالمی پلیٹ فارم تعمیر کرے گا، "چار گلوبل انیشی ایٹوز” پر عمل کرے گا اور چینی طرز جدیدیت کے وسیع تر امکانات کو دنیا کے ساتھ شیئر کرے گا ۔
یوراگوئے کے قومی ٹیلی ویژن سمیت کئی اہم میڈیا اداروں نے اس تقریب کی کوریج کی۔