بو ڈا پیسٹ : چائنا میڈیا گروپ اور ہنگری-چائنا فرینڈشپ ایسوسی ایشن کے اشتراک سے "جدت، کھلا پن اور مشترکہ ترقی” کے عنوان سے عالمی مکالمے کا بوڈاپیسٹ میں انعقاد کیا گیا۔شرکاء نے گلوبل گورننس انیشی ایٹو،چینی طرز کی جدت کی عالمی اہمیت اور باہمی تعاون جیسے موضوعات پر گہرا تبادلہ خیال کیا۔سی پی سی سینٹرل کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے تقریب سے ورچوئل خطاب کیا ۔ انھوں نے کہا کہ سی پی سی کی 20 ویں مرکزی کمیٹی کا چوتھا کل رکنی اجلاس حال ہی میں بیجنگ میں اختتام پذیر ہوا ، جو نئے عہد میں چین کا ایک اور اہم سنگ میل سمجھا جاتا ہے۔ کل رکنی اجلاس میں ملکی ترقی کے اہم اہداف کے حوالے سے اعلیٰ سطحی ڈیزائن اور حکمت عملی پیش کی گئی۔اجلاس نے ایک بار پھر دنیا کے سامنے واضح کیا کہ چین اعلیٰ سطحی کھلے پن کو وسعت دے گا اور تعاون اور باہمی فائدے کے نئے دور کا آغاز کرے گا۔ قطع نظر اس کے کہ بین الاقوامی حالات کس طرح بدلتے ہیں، چین ہمیشہ کھلے پن ، اشتراک اور اختراع پر قائم رہے گا اور غیر یقینی صورت حال سے بھری دنیا میں زیادہ اعتماد اور طاقت فراہم کرے گا۔چائنا میڈیا گروپ اپنے شراکت داروں کے ساتھ مل کر عالمی پلیٹ فارم تعمیر کرے گا، "چار گلوبل انیشی ایٹوز” پر عمل کرے گا اور چینی طرز کی جدیدیت کے وسیع تر امکانات کو دنیا کے ساتھ شیئر کرے گا۔