بیجنگ:چین اور روس کی دوستی ، امن اور ترقیاتی کمیٹی کا پندرہواں مشترکہ اجلاس روس کے شہر ولادیووستوک میں منعقد ہوا۔ ہفتہ کے روز صدر شی جن پھنگ نے اجلاس کے لیے تہنیتی پیغام بھیجا ۔
شی جن پھنگ نے زور دیا کہ چین اور روس کی دوستی، امن اور ترقی کی کمیٹی کے قیام سے اب تک 28 سال میں دوستی کو فروغ دینے اور تعاون کو بڑھانے کے عزم کے ساتھ کام کیا ہے، اور چین اور روس تعلقات کی مجموعی طور پر مزید مضبوط بنانے کیلئے خدمات سر انجام دی ہیں اور دونوں ممالک کے تعلقات کو عوامی سطح پر مضبوط کیا ہے۔
انھوں نے اس امید کا اظہار کیا کہ کمیٹی اس اجلاس کو ایک موقع کے طور پر استعمال کرتے ہوئے دونوں ملکوں کے درمیان عوامی تبادلوں کے لیے اہم اور فعال کردار ادا کرے گی، اور نئے دور میں دونوں عوام کے درمیان دوستی کا نیا باب لکھے گی۔ اسی دن، روس کے صدر ولادیمیر پیوٹن نے بھی اجلاس کو اپنا تہنیتی پیغام ارسال کیا ۔