فلوریڈا:پاکستان نے ویسٹ انڈیز کو تیسرے ٹی ٹوئنٹی میں شکست دےکرسیریز اپنے نام کرلی۔
اس فتح کے ساتھ پاکستان نے سیریز 1-2 سے اپنے نام کرلی اور اب وہ پُرامید انداز میں ایشیا کپ کے لیے روانہ ہوگا۔
امریکی ریاست فلوریڈا کے شہر لاوڈر ہل میں کھیلے گئے تیسرے ٹی ٹوئنٹی میں قومی ٹیم کے کپتان سلمان علی آغا نے ٹاس جیت کر پہلے بیٹنگ کا فیصلہ کیا۔
پاکستان نے اس اہم میچ کے لیے ٹیم میں دو تبدیلیاں کیں، فاسٹ بولر شاہین شاہ آفریدی کی جگہ حارث کو جبکہ مڈل آرڈر بیٹر فخر زمان کی جگہ خوشدل شاہ کو شامل کیا گیا۔
پاکستان نے مقررہ 20 اوورز میں 4 وکٹوں کے نقصان پر 189 رنز بنائے۔ اننگز کی خاص بات صائم ایوب اور صاحبزادہ فرحان کی شاندار نصف سنچریاں تھیں۔ صائم ایوب نے جارحانہ انداز میں 74 رنز بنائے جبکہ صاحبزادہ فرحان نے 66 رنز کی اننگز کھیلی۔ دیگر کھلاڑیوں میں حسن نواز نے 15، فہیم اشرف نے 10، خوشدل شاہ نے 11 اور حارث نے 2 رنز اسکور کیے۔
ویسٹ انڈیز کی جانب سے جیسن ہولڈر، روسٹن چیز اور شمار جوزف نے ایک، ایک وکٹ حاصل کی۔
پاکستان کے 190 رنز کے تعاقب میں ویسٹ انڈیز نے 176رنز بنائے، ویسٹ انڈیر کے الک اتھانیز نے سب سے زیادہ 60 رنز بنائے۔
پاکستان کی طرف سے صاحبزادہ فرحان نے سب سےزیادہ 72رنز بنائے،صائم ایوب نے 66رنز کی اننگز کھیلی، محمد نواز،حارث رؤف ،صائم ایوب اور سفیان مقیم کی 1،1 وکٹ حاصل کی۔
اس سے قبل آج پاکستان نے ویسٹ انڈیز کے خلاف تیسرے ٹی ٹوئنٹی میں ٹاس جیت کر پہلے بیٹنگ کا فیصلہ کیا تھا۔
تیسرے اور آخری ٹی ٹوئنٹی کیلئے پاکستان ٹیم میں 2 تبدیلیاں کی گئی تھیں۔قومی ٹیم میں شاہین آفریدی کی جگہ حارث رؤف اور فخر زمان کی جگہ خوشدل شاہ کو پلیئنگ الیون میں شامل کیا گیا تھا۔