پاکستان کے مشہور یوٹیوبر رجب بٹ اور ان کے دوست جہانگیر بٹ ہیوی بائیک ایکسیڈنٹ حادثے کا شکار ہوکر زخمی ہوئے ہیں۔سوشل میڈیا پر وائرل رجب بٹ کے دوست مان ڈوگر کی ویڈیو کے مطابق رجب بٹ کو معمولی چوٹیں آئی ہیں جب کہ ساتھی دوست جہانگیر بٹ موٹر سائیکل حادثے میں شدید زخمی ہوئے ہیں۔رجب بٹ کے دوست مان ڈوگر نے ٹک ٹاک ویڈیو میں حادثے کا ذکر کرتے ہوئے بتایا کہ جہانگیر بٹ کو سر میں دس ٹانکے لگے ہیں اور وہ ابھی اسپتال میں زیر علاج ہیں۔سوشل میڈیا پلیٹ فارم ایکس (ٹویٹر)پر وائرل ایک ویڈیو میں دیکھا جا سکتا ہیکہ معروف ٹک ٹاکر و یوٹیوبر رجب بٹ کرسی پر بیٹھے ہیں جب کہ ڈاکٹرز ان کے دوست جہانگیر بٹ کی مرہم پٹی کر رہے ہیں۔ یاد رہے رجب بٹ کا شمارپاکستان میں سب سے زیادہ مقبول یوٹیوبرز میں ہوتا ہے۔ گذشتہ برس دسمبر کے آخر میں ان کی ہفتہ بھر جاری رہنے والی شادی کی تقریبات خبروں میں زیادہ نمایاں رہیں۔اس کے علاوہ ماضی میں رجب بٹ شادی کے دن تحفے میں شیر کیا بچہ اور نماز کی مبینہ بے حرمتی کرنے پر بھی تنازعات کا شکار رہیں۔