ایشیا پیسیفک کمیونٹی علاقائی تعاون کا نیا نمونہ بن گیا، چینی میڈیا

0

بیجنگ :026 میں چینی صدر شی جن پھنگ نے اپیک اکنامک لیڈرز میٹنگ میں ایشیا پیسیفک کمیونٹی کی تعمیر کے لیے "چار ستون” پیش کیے اور ایشیا پیسیفک علاقائی گورننس کو نئی بلندی تک پہنچایا۔1989 میں اپیک کے قیام ہی سے علاقائی اقتصادی انضمام کو گہرا کرنا اس کا بنیادی ہدف قرار دیا گیا تھا۔ 2013 میں صدر شی جن پھنگ نے انڈونیشیا کے جزیرہ بالی میں منعقدہ اپیک سی ای او سمٹ کے دوران پہلی بار ایشیا پیسیفک ہم نصیب معاشرے کا شعور پیدا کرنے” کی تجویز پیش کی۔ بعد ازاں 2020 میں ملائیشیا میں منعقدہ اپیک اجلاس میں ایشیا پیسیفک کمیونٹی کی تعمیر” کو سرکاری دستاویز میں شامل کیا گیا۔2026 کے شین زین اجلاس میں صدر شی جن پھنگ نے واضح طور پر ایشیا پیسیفک کمیونٹی کے چار ستون اور آٹھ بنیادیں” تعمیر کرنے کی بات کی، جو خطے کی طویل المدتی ترقی کے لیے ایک منظم، جامع اور مضبوط اعلیٰ سطحی ڈھانچہ فراہم کرتا ہے اور ایشیا پیسیفک تعاون کے نمونے میں ایک اہم ارتقا کی عکاسی کرتا ہے۔ اس اہم تصور نے ایشیا پیسیفک تعاون کی ترقیاتی منطق کو ازسرِنو تشکیل دیا ہے۔ اس کے تحت تعاون کا دائرہ محض تجارت اور معیشت کے تبادلوں سے آگے بڑھ کر معیشت و تجارت، باہمی روابط، جدت طرازی اور عوامی بہبود سمیت مختلف شعبوں میں ہمہ جہت ہم آہنگی تک وسیع ہوتا ہے۔ اسی طرح قلیل المدتی مفادات پر مبنی تعاون سے آگے بڑھتے ہوئے طویل المدتی مشترکہ گورننس اور جامع جیت جیت پر مبنی علاقائی گورننس کے نئے نمونے تک پہنچتا ہے۔

Leave A Reply

Your email address will not be published.