اپیک سربراہی اجلاس 2026 کے لئے 2 ہزار سے زائد کاروباری اور سیاسی شخصیات شین زین پہنچ گئیں

0

 

شین زین (شِنہوا) چین کے جنوبی صوبے گوانگ ڈونگ میں 2 ہزار سے زائد کاروباری اور سیاسی نمائندے ایشیا بحرالکاہل اقتصادی تعاون (اپیک) سربراہی اجلاس 2026 میں شرکت کے لئے شین زین میں جمع ہوئے۔

ان شخصیات کا تعلق اپیک کی 21 رکنی معیشتوں اور 13 غیر رکنی معیشتوں سے ہے جن میں برطانیہ، فرانس، جرمنی اور سوئٹزرلینڈ بھی شامل ہیں۔

اپیک اکنامک لیڈرز ویک 2026 کے ایک اہم حصے کے طور پر منعقد ہونے والا یہ سربراہی اجلاس ’’مل کر خوشحالی اور مستقبل کی کامیابی‘‘ کے عنوان سے 17 اور 18 نومبر کو چھیان ہائی انٹرنیشنل کنونشن سنٹر میں منعقد ہو رہا ہے۔

اپنے استقبالیہ خطاب میں چائنہ کونسل فار دی پروموشن آف انٹرنیشنل ٹریڈ کے چیئرمین اور 2026 کے سربراہی اجلاس کے صدر رین ہونگ بن نے امید ظاہر کی کہ یہ مکالمہ نئے خیالات کو جنم دے گا اور وسیع تر اتفاق رائے پیدا کرے گا جس سے ایشیا بحرالکاہل خطے کی برادری اور عالمی اقتصادی ترقی کو نئی تحریک ملے گی۔

اجلاس میں شریک شخصیات ایشیا بحرالکاہل معیشت کے بدلتے ہوئے منظرنامے اور باہمی تعاون کے مواقع پر تبادلہ خیال کر رہی ہیں۔ اجلاس کے مختلف سیشنز میں 7 اہم موضوعات شامل ہیں جن میں رابطے کے لئے نیا لائحہ عمل تیار کرنا، جدید اے آئی تخلیقات کے لئے کھلا اور جامع نظام تشکیل دینا، ایشیا بحرالکاہل خطے میں پائیدار ترقی کے لئے نیا معیار قائم کرنا، ایشیا بحرالکاہل آزاد تجارتی علاقے کے قیام کو آگے بڑھانا، ڈیجیٹل معیشت میں تعاون کے لیے نئی راہیں تلاش کرنا، گوانگ ڈونگ-ہانگ کانگ-مکاؤ عظیم تر خلیجی علاقہ اور ایشیا بحرالکاہل کی ترقی کے مواقع کا جائزہ لینا اور ڈیجیٹل و ماحول دوست تبدیلی کے عمل کو باہمی ہم آہنگی کے ساتھ فروغ دینا شامل ہیں۔

Leave A Reply

Your email address will not be published.