چینی صدر کی بوسنیا و ہرزیگووینا کی نئی پریزیڈنسی کے ارکان کو عہدہ سنبھالنے پر مبارکباد
بیجنگ :چینی صدر شی جن پھنگ نے ژیلیکا تسویانووچ، ڈینس بیچیرووچ اور داریانا فیلیپوویچ کو بوسنیا و ہرزیگووینا کی پریزیڈنسی کے ارکان کا عہدہ سنبھالنے پر مبارکباد دی۔شی جن پھنگ نے کہا کہ بوسنیا و ہرزیگووینا جنوب مشرقی یورپ میں چین کا ایک اہم شراکت دار ہے۔ حالیہ برسوں میں دونوں ممالک کے تعلقات مستحکم اور صحت مند انداز میں ترقی کر رہے ہیں، سیاسی باہمی اعتماد مسلسل مضبوط ہوا ہے جبکہ مختلف شعبوں میں تعاون کے مثبت نتائج حاصل ہوئے ہیں۔شی جن پھنگ نے کہا کہ وہ چین اور بوسنیا و ہرزیگووینا کے تعلقات کی ترقی کو بہت اہمیت دیتے ہیں اور پریزیڈنسی کے ارکان کے ساتھ مل کر دونوں ممالک کی روایتی دوستی اور باہمی مفاد پر مبنی تعاون کو مزید گہرا کرنے، دوطرفہ تعلقات کو اعلیٰ سطح تک لے جانے اور دونوں ممالک کے عوام کے لیے مزید بہتر ثمرات لانے کے خواہاں ہیں۔