جاپانی شہری اپنے رہنماؤں کی تائیوان کے بارے میں غلط بیانی کو جلد درست کریں، چینی وزیر خارجہ

بیجنگ :چین کے وزیر خا رجہ وانگ ای سے جیپینیز ایسوسی ایشن فار دی پروموشن آف انٹرنیشنل ٹریڈ کے صدر تاکیشی اوایا نے ملاقات کی۔منگل کے روز وانگ ای نے کہا کہ جیپینیز ایسوسی ایشن فار دی پروموشن آف انٹرنیشنل ٹریڈمشہور غیر سرکاری دوست اداروں میں سے ایک ہے، اور قیام کے بعد سے چین-جاپان دوستی کی ترقی کے لیے سرگرم رہا ہے۔ خاص طور پر ایسے وقت جب چین-جاپان تعلقات کو چیلنجز کا سامنا ہو ، یہ ادارہ چین کے ساتھ دوستانہ رویے کو قائم اور چین-جاپان تعلقات کی سیاسی بنیاد کو برقرار رکھتا ہے۔ وانگ ای نے کہا کہ ایسوسی ایشن کےسابق صدر یوہی کونو ایک با ضمیر سیاستدان تھے، جو جاپان کے تاریک ماضی کی تاریخ کا سامنا کرنے کی ہمت رکھتے تھے اور عسکریت پسندی پر مبنی جاپان کی جارحیت کی ذمہ داری اور اس کا جائزہ لینے میں دلیر تھے جس سے انہیں چین اور دیگر پروسی ممالک کے عوام کا احترام حاصل ہوا ۔ وانگ ا ی نے کہا کہ ماضی کو بھلا نہیں چاہیے تاکہ مستقبل کے لیے سبق حاصل ہو۔ تاریخ سے سبق لیتے ہوئے ہی حقیقی طور پر بہترمستقبل تخلیق کیا جا سکتا ہے ۔وانگ ای نے کہا کہ جاپانیوں کے لیے فوری طور پر ضروری یہ ہے کہ وہ اپنے رہنماؤں کی تائیوان کے بارے میں غلط بیانی اور رویے کو جلد درست کریں، تاریخی مسائل پر درست موقف اپنائیں اور چین کے بارے میں حقیقت پسندانہ اور معقول ادراک پیدا کریں۔ امید ہے کہ جیپینیز ایسوسی ایشن فار دی پروموشن آف انٹرنیشنل ٹریڈ اور تمام اہل بصیرت افراد دوستانہ روایات کو جاری رکھیں گے ، جاپان کو درست انتخاب میں مدد کریں گے اور ایک مناسب رویہ اختیار کریں گے ۔تاکیشی اوایا نے کہا کہ موجودہ جاپان-چین تعلقات کی صورتحال قابل فکر ہے۔جیپینیز ایسوسی ایشن فار دی پروموشن آف انٹرنیشنل ٹریڈ سابق صدر یوجی کونو کی وصیت کو آگے بڑھائے گا اور دونوں ممالک کے تعلقات کو چین -جاپان چار سیاسی دستاویزات کے ابتدائی موقف اور اصل نقطہ کی طرف واپس لے جائے گا۔ انہوں نے کہا کہ جاپان کو ماضی کے سبق کو نہیں بھولنا چاہیے، سیاستدانوں کو درست سمت کا اندازہ ہونا چاہیے، اور پُر امن ترقی کے راستے پر ثابت قدم رہنا چاہیے۔