جاپانی جارحیت کے خلاف چینی عوام کی مزاحمتی جنگ اور عالمی فسطائیت مخالف جنگ کی فتح کی اکیاسیویں سالگرہ کے حوالے سے سمپوزیم کا انعقاد
بیجنگ :جاپانی جارحیت کے خلاف چینی عوام کی مزاحمتی جنگ اور عالمی فسطائیت مخالف جنگ کی فتح کی اکیاسیویں سالگرہ کے حوالے سے تین ستمبر کو بیجنگ میں ایک سمپوزیم کا انعقاد ہوا۔کمیونسٹ پارٹی آف چائنا کی مرکزی کمیٹی کے پولیٹکل بیورو کے رکن اور سی پی سی کے شعبہ تشہیر کے سربراہ لی شو لئی نے اس سمپوزیم میں شرکت کی۔سمپوزیم میں سی پی سی سینٹرل کمیٹی کے شعبہ یونائیٹڈ فرنٹ ورک ، سی پی سی سینٹرل کمیٹی کے پارٹی ہسٹری اینڈ لٹریچر انسٹی ٹیوٹ ، مرکزی فوجی کمیشن کے سیاسی امور کے شعبے کے ذمہ داران کے ساتھ ساتھ مزاحمتی جنگ میں بے مثال کار کردگی دکھانے والی یونٹس کے نوجوان افسروں، سپاہیوں کے نمائندوں اور نوجوان طلبا کے نمائندوں نے اس موقع پر اپنی رائے کا اظہار تقاریر کی صورت میں کیا ۔ انہوں نے چینی عوام کی جاپانی جارحیت کے خلاف مزاحمتی جنگ اور عالمی فسطائیت مخالف جنگ میں فتح کی عظیم اہمیت کو اجاگر کیا اور تاریخ کو یاد رکھنے، شہداء کو خراجِ عقیدت پیش کرنے، امن کی قدر کرنے ، مستقبل کی تعمیر کے پختہ عزم و اعتماد ،اور پرامن ترقی کی راہ پر ثابت قدم رہنے کی خواہش کا اظہار کیا۔
