بیجنگ :آن لائن پلیٹ فارمز کے اعداد و شمار کے مطابق،اب تک چین میں گرمیوں کی تعطیلات (بشمول پری سیلز) کے لیے باکس آفس آمدنی 8.2 بلین یوآن سے تجاوز کر گئی ہے جب کہ باکس آفس کی سالانہ آمدنی 24 بلین یوآن سے تجاوز کر چکی ہے۔ اطلاعات کے مطابق موجودہ موسم گرما میں،متعدد چینی اور غیر ملکی فلمیں ریلیز کی جائیں گی، جن میں ہسٹری ، کامیڈی، ایکشن، اینیمیشن، اور سائنس فکشن جیسی مختلف اقسام کی فلموں کا احاطہ کیا جائے گا۔گرمیوں کی تعطیلات کے دوران سینما گھروں کے متنوع آپریشن اور سنیما کلچر کی خوشحالی کو فروغ دیا جا رہا ہے ۔ سینما گھروں نے واحد اسکریننگ ماڈل سے آگے بڑھ کر جامع ثقافتی کمپلکس تعمیر کرنے کی کوشش کی ہے جو فلم دیکھنے، سماجی میل جول، تفریح اور اخراجات کو مربوط کرتا ہے۔
