بیجنگ : چین میں 22 واں قومی سمندری دن منایا گیا۔ اس موقع پر جاری کیے گئے "چین کے سمندری دن 2026 کے اعلامیے” کے مطابق چین جہاز رانی اور جہاز سازی سمیت مختلف شعبوں میں ایک مضبوط سمندری طاقت بن گیا ہے۔ اعلامیے کے مطابق اس وقت دنیا کے بین الاقوامی بحری نقل و حمل کا تقریباً ایک تہائی حصہ چین کے ذریعے انجام دیا جاتا ہے۔ کارگو تھرو پٹ کے لحاظ سے دنیا کی ٹاپ 10 بندرگاہوں میں سے 8 جبکہ کنٹینر تھرو پٹ کے اعتبار سے ٹاپ 10 میں سے 6 بندرگاہیں چین میں واقع ہیں۔ جہاز سازی کے شعبے میں بھی چین مسلسل 16ویں سال عالمی منڈی میں سرفہرست رہا ہے۔ اعلامیے کے مطابق چین کی سمندری معیشت کا حجم 11 ٹریلین یوآن سے تجاوز کر چکا ہے۔
