چینی سفارت خانے میں جاپانی سیلف ڈیفنس فورس کے افسر کے غیر قانونی داخلے پر جاپان جلد مکمل تحقیقات کرے اور جواب دے ، چینی وزارت خارجہ

بیجنگ :چینی وزارت خارجہ کے ترجمان لین جئین نے یومیہ پریس کانفرنس میں جاپانی سیلف ڈیفنس فورس کے ایک افسر کے چینی سفارت خانے میں غیر قانونی طور پر داخل ہونے سے متعلق سوال کے جواب میں کہا کہ بتدریج سامنے آنے والے حقائق کے مطابق یہ شخص سیلف ڈیفنس فورس کا ایک افسر ہے، جس نے سفارت خانے کے عملے کی آمد و رفت کے اوقات کا انتخاب کیا، 31 سینٹی میٹر لمبا تیز دھار آلہ لے کر غیر قانونی طور پر سفارت خانے کی دیوار پھلانگ کر اندر داخل ہوا اور کافی دیر تک جھاڑیوں میں چھپا رہا۔ترجمان نے کہا کہ ہم پوچھے بغیر نہیں رہ سکتے کہ یہ شخص دیر تک چھپ کر کس کا انتظار کر رہا تھا اور اس کا ارادہ کیا تھا؟ جاپان کی جانب سے اب تک اس بارے میں کوئی وضاحت نہیں دی گئی ہے ۔انہوں نے کہا کہ جاپانی دائیں بازو کے عناصر نے ابتدا میں اس واقعے پر اس شخص کی صفائی پیش کرنے کی کوشش یہ کہہ کر کی تھی کہ یہ سیلف ڈیفنس فورس کا افسر نہیں ہو سکتا، لیکن بعد ازاں حقائق اس کے بر خلاف نکلے ۔چینی وزارت خارجہ کے ترجمان نے کہا کہ ہم ایک بار پھر جاپان پر زور دیتے ہیں کہ وہ جلد از جلد مکمل تحقیقات کرے اور اس واقعے پر چین کو ایک ذمہ دارانہ جواب دے۔