بیجنگ :چین کے نائب صدر ہان ژینگ نے زیرو ٹیرف کے تحت چین کو برآمد کی جانے والی کینیا کی مصنوعات کی نمائش اور چین ۔ کینیا بزنس فورم میں شرکت کی اور خطاب کیا۔منگل کے روز ہان ژینگ نے کہا کہ چین اور کینیا کے درمیان دوستی کی تاریخ طویل ہے۔ گزشتہ سال اپریل میں صدر شی جن پھنگ اور صدر ولیم روٹو نے مشترکہ طور پر فیصلہ کیا تھا کہ دونوں ممالک کے تعلقات کو نئے دور میں چین۔کینیا ہم نصیب معاشرے کے درجے تک بلند کیا جائے، جس نے دوطرفہ تعلقات کی طویل المدتی ترقی کے لیے سمت متعین کی اور چین-افریقہ تعلقات سمیت گلوبل ساوتھ ممالک کے درمیان تعاون کے فروغ میں اہم رہنمائی فراہم کی۔ہان ژینگ نے تین نکاتی تجاویز پیش کیں۔ اول ، تزویراتی اعتماد کو مضبوط بنایا جائے اور جدیدیت کے سفر میں ایک دوسرے کے ساتھی بنیں۔ دوم ، باہمی فائدے پر مبنی تعاون کو مزید گہرا کیا جائے اور حقیقی معنوں میں باہمی مفاد اور مشترکہ کامیابی کے دوست بنیں۔ سوم ،کثیرالجہتی نظام کا تحفظ کیا جائے اور کھلی عالمی معیشت کے معمار بنیں۔تقریب سے قبل ہان ژینگ نے کینیا کے نائب صدر کِنڈیکی سے بھی ملاقات اور تبادلۂ خیال کیا۔
