بیجنگ : چین کے صدر شی جن پھنگ نے تھونگلون کو دوبارہ لاؤس کا صدر منتخب ہونے پر مبارک باد کا پیغام بھیجا۔پیر کے روزشی جن پھنگ نے کہا کہ چین اور لاؤس دونوں مشترکہ تقدیر کے حامل سوشلسٹ دوست اور پڑوسی ہیں،اور ہمیشہ ایک دوسرے کے بنیادی مفادات اور تشویش کے اہم معاملات پر ایک دوسرے کی مضبوط حمایت کرتے ہیں۔شی جن پھنگ نے زور دیا کہ اس سال دونوں ممالک ترقی اور احیا ء کے اہم مرحلے سے گزر رہے ہیں ، اور باہمی فائدے کی بنیاد پر تعاون کے وسیع تر مواقع پیدا ہو رہے ہیں۔ چینی صدر کا کہنا تھا کہ وہ چین اور لاؤس کی پارٹیوں اور دونوں ممالک کے تعلقات کی ترقی کو بہت اہمیت دیتے ہیں ، اور جنرل سیکرٹری اور صدر تھونگلون کے ساتھ مل کر دونوں ممالک کے جامع اسٹریٹجک تعاون کی نئی منصوبہ بندی کے لیے کام کرنے کے خواہش مند ہیں ، تاکہ چین اور لاؤس کے ہم نصیب معاشرے کی تعمیر کو اعلیٰ سطح تک پہنچایا جا سکے، دونوں ممالک کے عوام کو بہتر فوائد پہنچیں اور خطے میں امن و ترقی حاصل ہو ۔اسی دن، چینی وزیر اعظم لی چھیانگ نے سونکسے سیفنڈن کو دوبارہ لاؤس کا وزیر اعظم منتخب ہونے پر مبارکباد کا پیغام بھیجا ۔
