دونوں ممالک اختلافات کو بات چیت کے ذریعے حل کریں، وزارت خا رجہ
بیجنگ :چین کی وزارتِ خارجہ کے ترجمان لین جیان نے معمول کی پریس کانفرنس میں کہا کہ چین ، پاکستان اور افغانستان کے درمیان عارضی جنگ بندی پر اتفاق کا خیرمقدم کرتا ہے۔ چین کو توقع ہے کہ دونوں ممالک تحمل اور بردباری کا مظاہرہ کرتے ہوئے جلد از جلد مذاکراتی عمل بحال کریں گے اور مستقل و دیرپا جنگ بندی کے قیام کی طرف پیش رفت کریں گے۔ انہوں نے زور دیا کہ دونوں ممالک کو چاہیے کہ اختلافات کو بات چیت کے ذریعے حل کریں اور مشترکہ طور پر خطے میں امن و استحکام کو فروغ دیں۔ چین ان اسلامی ممالک کی کوششوں کو سراہتا ہے جنہوں نے اس حوالے سے مثبت کردار ادا کیا۔ انہوں نے اس بات کا بھی اعادہ کیا کہ چین مسلسل اپنے ذرائع کے ذریعے پاکستان اور افغانستان کے درمیان تنازع کے حل کے لیے مصالحتی کردار ادا کرتا رہا ہے اور آئندہ بھی تعمیری کردار جاری رکھنے کے لیے تیار ہے۔
