بیجنگ :چودھویں قومی عوامی کانگریس کے چوتھے اجلاس کا افتتاح بیجنگ کے عظیم عوامی ہال میں جمعرات کے روز ہوا۔ شی جن پھنگ سمیت پارٹی اور ریاست کے دیگر قائدین نے افتتاحی اجلاس میں شرکت کی۔ آٹھ روزہ اجلاس کے دوران ملک بھر کے مختلف علاقوں، قومیتوں اور شعبہ ہائے زندگی سے تعلق رکھنے والے 2700 سے زائد نمائندے متعدد اہم دستاویزات اور مسودات پر غور کریں گے۔ ان میں حکومتی ورک رپورٹ کا جائزہ، قومی معیشت اور سماجی ترقی کے پندرہویں پانچ سالہ منصوبے کے خاکے کا مسودہ، عوامی جمہوریہ چین کا ماحولیاتی ضابطۂ قانون (مسودہ)، عوامی جمہوریہ چین کے قومی اتحاد و پیش رفت کے فروغ کا قانون (مسودہ)، عوامی جمہوریہ چین کا قومی ترقیاتی منصوبہ قانون (مسودہ) شامل ہیں۔ اس کے علاوہ سپریم پیپلز کورٹ اور سپریم پیپلزپروکیوروٹریٹ کی ورک رپورٹس کا جائزہ، 2026 کے قومی اقتصادی و سماجی ترقیاتی منصوبے اور مرکزی و مقامی بجٹ کے مسودات پر بھی غور کیا جائے گا۔ قومی عوامی کانگریس چین کی اعلیٰ ترین ریاستی اختیار رکھنے والی باڈی ہے۔ اس کی ہر مدت پانچ سال پر مشتمل ہوتی ہے اور سال میں ایک مرتبہ اس کا کل رکنی اجلاس منعقد کیا جاتا ہے۔
