بیجنگ : چین کی قومی عوامی کانگریس کی قائمہ کمیٹی کے صدر چاؤلہ جی نے بوآؤ فورم فار ایشیا2026 کے سالانہ اجلاس کی مکمل نشست میں شرکت کی اور “درست سمت کا تعین، مشترکہ طور پر روشن مستقبل کی تخلیق” کے عنوان سے کلیدی خطاب کیا۔
جمعرات کے روز اس موقع پر سنگاپور کے وزیر اعظم لارنس وانگ ، آذربائیجان کی ملی مجلس کی اسپیکر صاحبہ غفاروا ، سرلنکا کی پارلیمنٹ کے اسپیکر جگتھ وکرما رتنے ، قازقستان کے اول نائب وزیراعظم رومان اسکلیار اور بو آؤ فورم فار ایشیا کے بورڈ آف ڈائریکٹرز کے چئرمین بان کی مون سمیت 60 سے زائد ممالک اور خطوں سے تعلق رکھنے والے 1600 سے زیادہ سیاسی، کاروباری، تھنک ٹینکس اور میڈیا نمائند گان موجود تھے ۔
چاؤلہ جی نے کہا کہ اس سال بوآؤ دورم فورم فار ایشیا کے قیام کی پچیسویں سالگرہ ہے۔ گزشتہ پچیس برسوں کے دوران، یہ فورم ایشیا کو بنیاد بنا کر عالمی سطح پر مکالمے اور تعاون کو فروغ دیتا رہا ہے، مختلف فریقوں کے درمیان اتفاقِ رائے پیدا کرتا رہا ہے، اور ایشیائی ممالک و دنیا کے دیگر ممالک کے درمیان تبادلۂ خیال، اتحاد اور مشترکہ ترقی کو فروغ دینے والا ایک “ گولڈن پلیٹ فارم” بن چکا ہے۔
انہوں نے مزید کہا کہ چین ہمیشہ سے معاشی ترقی اور عوامی فلاح و بہبود کے فروغ کے لیے کوشاں رہا ہے، اور اپنی ترقی کے ساتھ دیگر ممالک کی ترقی میں بھی حصہ ڈالتا رہا ہے۔ عالمی اقتصادی ترقی میں چین کا حصہ تقریباً 30 فیصد کے قریب مستحکم ہے اور چین مسلسل عالمی معیشت کا ایک اہم محرک بنا ہوا ہے۔انہوں نے کہا کہ چین نئے ترقیاتی نظریات کو مکمل، درست اور جامع انداز میں نافذ کرے گا، نئے ترقیاتی ڈھانچے کی تشکیل کو تیز کرے گا اور اعلیٰ معیار کی ترقی کو مزید فروغ دے گا اور بیرونی دنیا کے لیے اعلی سطحی کھلے پن کو مزید وسعت دے کر دنیا کے دیگر ممالک کے ساتھ مواقعوں کا اشتراک جاری رکھے گا ۔
