نصابی کتاب میں جاپان کی کسی بھی قسم کی تحریف اس حقیقت کو تبدیل نہیں کر سکتی کہ دیاؤ یو جزائر چین کے ہیں، چینی وزارت خارجہ

بیجنگ :چینی وزارت خارجہ کے ترجمان لین جئین نے رسمی پریس کانفرنس میں کہا کہ جاپان کی وزارت تعلیم، ثقافت، کھیل، سائنس اور ٹیکنالوجی نے 24 مارچ کو سن 2027 سے پڑھائی جانے والی ہائی اسکول کی بعض نصابی کتب کی منظوری کے دوران الفاظ کے ہیر پھیر کے ذریعے تاریخی حقائق کو مبہم کرنے، اپنے تاریخی جرائم کو چھپانے اور اس سے بچنے کی کوشش کی ہے، جو کہ جارحیت کی جاپانی تاریخ کو جھٹلانے اور اسے توڑ مروڑ کر پیش کرنے کا جاپان کا پرانا حربہ ہے۔ انہوں نے کہا کہ چین اس پر شدید عدم اطمینان اور سخت مخالفت کا اظہار کرتا ہے اور اس سلسلے میں چین نے باضابطہ احتجاج بھی درج کروایا ہے ۔چینی وزارت خارجہ کے ترجمان نے کہا کہ جاپان کی جانب سے "کمفرٹ ویمن” اور مزدوروں کی زبردستی بھرتی، جاپانی عسکریت پسندی کے دور میں دیگر ممالک پر جارحیت اور توسیع پسندی کے دوران کیے گئے انسانیت کے خلاف جاپان کے سنگین جرائم ہیں۔ یہ بین الاقوامی سطح پر تسلیم شدہ تاریخی حقیقت ہے جس کے ناقابل تردید ثبوت موجود ہیں اور اسے بدلا نہیں جا سکتا۔لین جئین نے اس بات پر زور دیا کہ دیاؤ یو جزائر اور ان سے ملحقہ جزائر قدیم زمانے سے ہی چین کی سرزمین کا حصہ ہیں اور چین ان پر ناقابلِ تردید اقتدار اعلی رکھتا ہے۔ نصابی کتب میں جاپان کی کسی بھی قسم کی تحریف اس حقیقت کو تبدیل نہیں کر سکتی کہ دیاؤ یو جزائر چین کے ہیں، اور چین کی علاقائی سالمیت اور اس کے اقتدار اعلی کو نقصان پہنچانے کی ہر کوشش لاحاصل رہے گی۔