بیجنگ :چین کے قومی محکمہ محصولات کے اعداد و شمار کے مطابق، اس سال جنوری تا فروری، چین کی سائنسی و تکنیکی جدت کی ترقی کا رجحان اچھا اور متعدد پہلوؤں میں نمایاں رہا۔اعلیٰ ٹیکنالوجی کی صنعت کی فروخت کی آمدنی میں گزشتہ سال کی اسی مدت کے مقابلے میں 16.1 فیصد اضافہ ہوا، جو تیز رفتار نمو کے رجحان کو ظاہر کرتا ہے ۔ اعلیٰ ٹیکنالوجی مینوفیکچرنگ کی فروخت کی آمدنی میں گزشتہ سال کی اسی مدت کے مقابلے میں 14.5 فیصد اضافہ ہوا،لو ایلٹیٹیوڈ اکانومی ، کمرشل ایرو اسپیس ، اور کنزیومر الیکٹرانکس کی مدد سے، فضائی اور خلائی آلات کی مینوفیکچرنگ اور الیکٹرانک اور مواصلاتی آلات کی مینوفیکچرنگ میں بالترتیب 28.5 فیصد اور 18.4 فیصد اضافہ ہوا۔جنوری تا فروری، سائنسی تحقیق اور تکنیکی خدمات کی صنعت کی فروخت کی آمدنی میں گزشتہ سال کی اسی مدت کے مقابلے 23.6 فیصد اضافہ ہوا۔اس کے علاوہ، جنوری اور فروری میں ، کاروباری اداروں کی ڈیجیٹل ٹیکنالوجی کی خریداری کی رقم میں بھی 10.8 فیصد اضافہ ہوا۔ ڈیجیٹل معیشت کی مرکزی صنعت کی فروخت کی آمدنی میں 10.8 فیصد اضافہ ہوا، جس سے ڈیجیٹل انڈسٹری کی تیز رفتار ترقی کی عکاسی ہوتی ہے ۔
