بیجنگ :چین کے صدر شی جن پھنگ نے انتونیو جوز سیگورو کو پرتگال کا صدر منتخب ہونے پر مبارکباد کا پیغام بھیجا۔ شی جن پھنگ نے نشاندہی کی کہ سفارتی تعلقات کے قیام کے بعد سے گزشتہ 47 سالوں میں دونوں ممالک باہمی احترام اور حمایت پر کاربند رہے ہیں، مکاؤ کے مسئلے کو سیاسی دانشمندی کے ساتھ مناسب طریقے سے حل کیا ہے، شراکت داری کے جذبے سے باہمی فائدہ مند تعاون کو گہرا کیا ہے، اور بین الاقوامی امور میں قریبی ہم آہنگی کی بنیاد پر دو طرفہ صحت مند اور مستحکم تعلقات کو یقینی بنایا ہے۔ صدر شی نے کہا کہ میں چین-پرتگال تعلقات کی ترقی کو بہت اہمیت دیتا ہوں اور صدر سیگورو کے ساتھ اسٹریٹجک روابط کو مضبوط بنانے، اعلیٰ سطحی باہمی اعتماد کو مستحکم کرنے، اعلیٰ معیار کے تعاون کو فروغ دینے، چین-پرتگال جامع اسٹریٹجک شراکت داری کو مسلسل تقویت دینے اور دونوں ممالک کے عوام کو مزید فوائد پہنچانے کے لیے تیار ہوں۔
