واشنگٹن () امریکی سپریم کورٹ نے صدر ٹرمپ کی دوسری مدت کی سب سے اہم ٹیرف پالیسی کو مسترد کر دیا۔چائنا میڈیا گروپ کے تحت سی جی ٹی این کی جانب سے دنیا بھر کے نیٹیزنز کےلئے کرائے گئے ایک سروے کے مطابق، 94.7فیصد جواب دہندگان کا ماننا ہے کہ "امریکہ فرسٹ” کے اصول کے تحت ٹیرف پالیسی مکمل طور پر ناکام ہو گئی ہے۔
سروے میں 91.2 فیصد جواب دہندگان نے کہا کہ محصولات امریکی تجارتی ڈھانچے کو متوازن کرنے میں مددگار نہیں ہیں۔ 93.4 فیصد جواب دہندگان کا خیال ہے کہ امریکی مینوفیکچرنگ بحال نہیں ہوئی، اور ٹیرف کی پالیسیوں نے مینوفیکچرنگ سیکٹر کو مزید کھوکھلا کر دیا ہے۔ 92.5 فیصد جواب دہندگان نے کہا کہ امریکی ٹیرف پالیسیاں امریکہ کی اپنی اور عالمی اقتصادی ترقی میں رکاوٹ بنیں گی۔ 97 فیصد جواب دہندگان نے امریکی ٹیرف پالیسی کی مذمت کی کہ اس نے تمام ممالک کے جائز حقوق و مفادات کی سنگین خلاف ورزی کی ہے اور قواعد پر مبنی کثیرالجہتی تجارتی نظام کو نقصان پہنچایا ہے۔ یہ سروے سی جی ٹی این کے انگریزی، ہسپانوی، فرانسیسی، عربی اور روسی پلیٹ فارمز پر جاری کیا گیا، جس میں 10,445 جواب دہندگان نے 24 گھنٹوں کے اندر حصہ لیا اور اپنی رائے کا اظہار کیا۔
