بیجنگ :چین کی نیشنل فلم ایڈمنسٹریشن اور چائنا میڈیا گروپ نے بیجنگ میں ” 2026 فلمی معیشت کے فروغ کا سال ” کی افتتاحی تقریب کا مشترکہ انعقاد کیا۔سی پی سی کی مرکزی کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ اور چین کے نائب وزیر تجارت یان دونگ سمیت دیگر اہم شخصیات نے تقریب میں شرکت کی اور ” 2026 فلمی معیشت کے فروغ کا سال ” کا افتتاح کیا۔دستیاب اعداد و شمار کے مطابق 2025 میں چین کی فلم انڈسٹری کی مجموعی آؤٹ پٹ ویلیو 810 ارب یوان سے تجاوز کر گئی۔ "2026 فلمی معیشت کے فروغ کا سال” کے تحت ملک بھر میں مقامی خصوصیات کی حامل سرگرمیوں کی حوصلہ افزائی کی جائے گی، تاکہ فلمی صنعت کے ذریعے معاشی و سماجی ترقی کو مزید تقویت دی جا سکے۔ اسی روز "فلم کے ساتھ مارکیٹ کی سیر” کے عنوان سے خصوصی سرگرمی کا بھی افتتاح کیا گیا۔
