یورپی یونین کو تحفظ پسندی کے غلط راستے پر مزید آگے بڑھنے سے گریز کرنا چاہیے،چینی وزارتِ خارجہ

چینی کمپنیاں یورپ میں قوانین کے مطابق کاروبار کر رہی ہیں، تر جمان

بیجنگ () چینی وزارتِ خارجہ کے ترجمان گو جیاکھون نے معمول کی پریس بریفنگ میں یورپی کمیشن کی جانب سے مبینہ طور پر سکیورٹی خدشات کی بنیاد پر چینی کمپنیوں کو یورپ کے موبائل کمیونیکیشن نیٹ ورک سے مکمل طور پر خارج کرنے کے ارادے سے متعلق سوال کے جواب میں کہا کہ چین نے اس حوالے سے رپورٹس کا نوٹس لیا ہے اور اس پر شدید تشویش کا اظہار کرتا ہے۔بدھ کے روز
ترجمان نے کہا کہ چینی کمپنیاں طویل عرصے سے یورپ میں قوانین کے مطابق اور ضابطوں کی پابندی کرتے ہوئے کاروبار کر رہی ہیں، انہوں نے کبھی بھی یورپی ممالک کی قومی سلامتی کو نقصان نہیں پہنچایا، بلکہ یورپ کی ٹیلی کمیونیکیشن اور ڈیجیٹل صنعت کی ترقی میں مؤثر کردار ادا کیا اور یورپی عوام کو معیاری مصنوعات اور خدمات فراہم کیں۔
ترجمان نے مزید کہا کہ کسی بھی ٹھوس شواہد کے بغیر، غیر تکنیکی معیارات کی بنیاد پر کمپنیوں کی مارکیٹ میں شمولیت کو زبردستی محدود کرنا یا حتیٰ کہ مکمل طور پر ممنوع قرار دینا، مارکیٹ اصولوں اور منصفانہ مسابقتی قوانین کی سنگین خلاف ورزی ہے۔ ایسے اقدامات نہ تو نام نہاد سلامتی فراہم کر سکتے ہیں اور نہ ہی ان سے بچاؤ ممکن ہے، بلکہ اس کی قیمت بھاری معاشی نقصانات کی صورت میں ادا کرنا پڑتی ہے۔
انہوں نے زور دے کر کہا کہ چین یورپی یونین سے مطالبہ کرتا ہے کہ وہ تحفظ پسندی کے غلط راستے پر مزید آگے بڑھنے سے باز رہے، بصورت دیگر چین اپنے کاروباری اداروں کے جائز حقوق و مفادات کے تحفظ کے لیے ضروری اقدامات کرنے پر مجبور ہوگا۔