چین نے گزشتہ 4 سال میںعالمی معیشت کی نمو میں تقریباً 30 فیصد کا حصہ برقرار رکھا ہے ، وزارت خزانہ
بیجنگ () چین کی ریاستی کونسل کے دفتر اطلاعات نے "14 ویں پانچ سالہ منصوبے کی اعلی معیار کی تکمیل” کے موضوع پر ایک پریس کانفرنس کا اہتمام کیا۔ وزیر خزانہ لان فوآن نے بتایا کہ ” 14 ویں پانچ سالہ منصوبے” کے دوران ، مالیاتی میکرو کنٹرول زیادہ فعال اور موثر رہا، جو کہ معیشت کی مستحکم اور صحت مند ترقی کے لیے ایک اہم ستون بن گیا ہے۔
گزشتہ 4 سال میں، چین کی معیشت نے اوسطاً 5.5 فیصد کی نمو حاصل کی، جو کہ عالمی معیشت کی ترقی میں تقریباً 30 فیصد کا حصہ رکھتا ہے۔
اس موقع پر وزیر خزانہ نے یہ بھی بتایا کہ ” 14 ویں پانچ سالہ منصوبے ” کے دور میں، لوگوں کے ذریعہ معاش کے لیے تقریباً 100 ٹریلین کی سرمایہ کاری کی گئی ہے۔
اس سال، قومی مالیات نے 100 ارب یوآن بچوں کی دیکھ بھال کے لیے سبسڈی فراہم کی اور 20 ارب یوان مرحلہ وار مفت پری اسکول تعلیم کے لیے مختص کیے جا رہے ہیں، اور عوامی مسائل کے حل کے لیے فعال طور کردار ادا کیا ہے۔ یہ کہا جا سکتا ہے کہ خواہ پر رونق شہر ہوں یا دور دراز کے دیہات، بچے ہوں یا بوڑھے افراد، سب ہی زندگی کی بہتر سے بہتر سہولیات سے مستفید ہو رہے ہیں۔
