بیجنگ ()
25ویں چین بین الاقوامی سرمایہ کاری اور تجارتی فیئر میں کئی ملٹی نیشنل کمپنیوں کے اعلیٰ عہدیداروں نے خیال ظاہر کیا ہے کہ وہ چین میں ‘طویل مدتی سرمایہ کاری کریں گے اور ساتھ ہی انہوں نے جدت کے بارے میں بھی اظہار خیال کیا ہے تاکہ چین کی اعلیٰ معیار کی ترقی کی رفتار کے ساتھ ہم آہنگ ہو سکیں۔
123 ممالک اور خطوں، 1100 سے زیادہ سرکاری اداروں اور کاروباری گروپوں نے شرکت کی، مختلف قسم کے سرمایہ کاری کے منصوبوں پر 1154 معاہدوں پر دستخط کئے گئَے ، جن کی کل مالیت 644 ارب یوآن تک پہنچ گئی ہے۔ 8 سے 11 ستمبر تک ہونے والا چین انٹرنیشنل سرمایہ کاری اور تجارتی فیئر عالمی سطح پر چین کے مشاہدے اور سرمایہ کاری کے مواقع تلاش کرنے کے لیے ایک اہم دریچہ بن گیا ہے ۔
تحفظ پسندی کے بڑھتے ہوئے رجحان اور عالمی اقتصادی عدم یقینی کی موجودہ صورتحال کے پیش نظر ، شرکاء نے سمجھا کہ چین میں سرمایہ کاری کا مطلب مستقبل کی سرمایہ کاری کرنا ہے۔ چین کی وسیع مارکیٹ معیشت کی تبدیلی اور ترقی کے دوران بڑی صلاحیت پیدا کر رہی ہے۔ حالیہ سالوں میں، غیر ملکی کمپنیوں کی جانب سے چین میں تیز رفتار سرمایہ کاری سے چینی کمپنیوں کے ساتھ مل کر کام کرنے کے مواقع جنم دیئے ہیں۔ غیر ملکی کمپنیوں کے اعلیٰ عہدیداروں کا خیال ہے کہ چین بیرونی دنیا تک اپنے کھلے پن کے ساتھ کاروباری روابط جاری رکھے گا جو کہ کاروبار میں ترقی کی یقین دہائی ہے۔ ملٹی نیشنل کمپنیاں چین میں ‘تیز رفتار’ سے سرمایہ کاری کر رہی ہیں اور اس کے ذریعے چین کی مارکیٹ کو ہمہ گیر طور پر تلاش کرنے کا عزم کیا ہے، ‘ اور ساتھ ہی جیتنے کے مقصد کو حاصل کرنے کی کوشش کر رہے ہیں، تاکہ مسلسل آگے بڑھنے کی صلاحیت حاصل کریں۔
