بین الاقوامی برادری بنی نوع انسان کے ہم نصیب معاشرے کی تعمیر کے تصور سے مکمل طور پر متفق ہے، چینی نائب وزیر خارجہ

بیجنگ : جاپانی جارحیت کے خلاف چینی عوام کی مزاحمتی جنگ اور عالمی فاشسٹ مخالف جنگ کی فتح کی اسیویں سالگرہ کے نیوز سینٹر کے زیر اہتمام دوسری پریس کانفرنس کا انعقاد کیا گیا جس میں پرامن ترقی پر قائم رہنے اور بنی نوع انسان کے ہم نصیب معاشرے کی تعمیر کو فروغ دینے کی صورتحال کے بارے میں بریفنگ دی گئی ۔
جمعہ کے روز نائب وزیر خارجہ ما چھاؤشو نے بتایا کہ بین الاقوامی برادری عام طور پر اس بات پر یقین رکھتی ہے کہ بنی نوع انسان کے ہم نصیب معاشرے کی تعمیر کا تصور انا پرستی اور تحفظ پسندی کو پیچھے رکھتے ہوئے انفرادی ممالک کی تسلط پسندانہ سوچ کو توڑتا ہے، انسانی ترقی کی سمت میں چین کے منفرد خیالات کی عکاسی کرتا ہے، اور انسانیت کے لئے ایک بہتر مستقبل تخلیق کرنے کے لئے ممالک کے مابین اتحاد اور تعاون کو فروغ دینے کے لئے بہت اہمیت کا حامل ہے۔
نائب وزیر خارجہ کا کہنا تھا کہ بہت سی بین الاقوامی شخصیات نے کہا کہ "انسانیت کے ہم نصیب معاشرے کا تصور بین الاقوامی برادری کی آواز کی نمائندگی کرتا ہے” اور "دنیا میں امن، ترقی اور امید فراہم ہے”۔ اقوام متحدہ کے سیکرٹری جنرل انتونیو گوتریس نے کہا کہ کثیر الجہتی کے عمل کا مقصد انسانیت کا ہم نصیب معاشرہ قائم کرنا ہے ۔ان کا کہنا تھا کہ یہ تصور لگاتار آٹھ سال تک اقوام متحدہ کی جنرل اسمبلی کی قراردادوں، شنگھائی تعاون تنظیم کے سربراہ اجلاس کے اعلامیے اور برکس رہنماؤں کے اجلاس کے اعلامیے میں لکھا جا چکا ہے اور اس کا بنیادی جوہر اقوام متحدہ کے "فیوچر کمپیکٹ” میں شامل کیا گیا ہے جو آج کی دنیا میں بڑی اہمیت کا حامل ایک انٹرنیشنل پبلک پراڈکٹ بن چکا ہے ۔